പെരിന്തൽമണ്ണ: മയക്കുമരുന്നു ലഹരിക്കെതിരെ ഫുട്ബോൾ ലഹരി എന്ന മുദ്രാവാക്യവുമായി പെരിന്തൽമണ്ണ ലയണ്സ് ക്ലബും മിനിർവ അക്കാഡമിയും പെരിന്തൽമണ്ണയിൽ ബോധവ്തരണം നടത്തി. ജില്ലയിലെ 25 ക്ലബുകൾ പങ്കെടുത്തു. ലയണ് നേതാവും സെക്കൻഡ് വൈസ് ഗവർണറുമായ ടോണി ഏനോക്കാരൻ ഉദ്ഘാടനം ചെയ്തു. മുൻസിപ്പൽ ചെയർമാൻ പി. ഷാജി ആദ്യഗോളടിച്ച് കിക്കോഫ് നടത്തി. മലപ്പുറം അഡീഷണൽ സൂപ്രണ്ട് ഓഫ് പോലീസ് എം. സുകുമാരൻ ഫ്ളാഗ് ഓഫ് ചെയ്തു. ലയണ് നേതാവായ സെക്കൻഡ് വൈസ് ഡിസ്ട്രിക്ട് ഗവർണർ ജെയിംസ് പോൾ വളപ്പില മുഖ്യപ്രഭാഷണവും മിനർവ അക്കാഡമി ചെയർമാൻ സി. രാജേഷ് വിഷയാവതരണവും നിർവഹിച്ചു.
പെരിന്തൽമണ്ണ എക്സൈസ് സർക്കിൾ ഇൻസ്പെക്ടർ ടി.ആർ രാജേഷ്, ജില്ലാ കോ-ഓർഡിനേറ്റർ ടി. ജയകൃഷ്ണൻ സന്ദേശവും പ്രതിജ്ഞയും ചൊല്ലിക്കൊടുത്തു. പെരിന്തൽമണ്ണ ക്ലബ് സെക്രട്ടറി ലൂക്കോസ് അധ്യക്ഷത വഹിച്ചു. പെരിന്തൽമണ്ണ മിനർവ അക്കാഡമിയിലും മൂസക്കുട്ടി മെമ്മോറിയൽ ബസ് സ്റ്റാൻഡിലുമായി നടന്ന പരിപാടിയിൽ നാട്ടുകാരും ജനപ്രതിനിധികളും മിനർവ അക്കാഡമിയിലെ വിദ്യാർഥികളും അധ്യാപകരും പങ്കെടുത്തു. ജനറൽ കണ്വീനർ ഉണ്ണി വടക്കാഞ്ചേരി, ലയണ് നേതാക്കളായ അഭിലാഷ് ജോർജ്, കെ.എം അനിൽകുമാർ, ബാബു ദിവാകരൻ, അഡ്വ. പ്രസാദ്, ശശികുമാർ ഗീതാഞ്ജലി, കിഷോർ മുട്ടത്ത്, ഡോ. കൊച്ചു എസ്. മണി, റോയ്, യു. കരുണാകരൻ, നാരായണനുണ്ണി തുടങ്ങിയവർ നേതൃത്വം നൽകി.
മയക്കുമരുന്നു ലഹരിക്കെതിരേ ഫുട്ബോൾ ലഹരിയുമായി ലയണ്സ് ക്ലബ്
03:43 AM Nov 27, 2022 | Deepika.com