പോസ്റ്റ് ഒാഫീസിലേക്ക് മാർച്ച് നടത്തി
12:06 AM Nov 25, 2022 | Deepika.com
നിലന്പൂർ: എസ്ടിയുവിന്റെ നേതൃത്വത്തിൽ നിലന്പൂർ നിയോജക മണ്ഡലം കമ്മിറ്റി കുടുംബശ്രീ, തൊഴിലുറപ്പ് പദ്ധതി തൊഴിലാളി യൂണിയൻ പ്രവർത്തകരെ അണിനിരത്തി വിവിധ ആവശ്യങ്ങളുന്നയിച്ച് നിലന്പൂർ പോസ്റ്റോഫീസിലേക്ക് മാർച്ച് നടത്തി. തൊഴിലുറപ്പ് തൊഴിലാളികളുടെ വേതനം വർധിപ്പിക്കുക, തൊഴിലുറപ്പ് തൊഴിലാളികളുടെ തൊഴിൽ സമയത്തിൽ മാറ്റം വരുത്തുക തുടങ്ങിയ വിവിധ ആവശ്യങ്ങളുന്നയിച്ചായിരുന്നു മാർച്ച്. തുടർന്ന് പോസ്റ്റോഫീസിനു മുന്നിൽ നടന്ന ധർണ എസ്ടിയു ജില്ലാ പ്രസിഡന്റ് വി.എ.കെ. തങ്ങൾ ഉദ്ഘാടനം ചെയ്തു. ഉബൈദ് കാക്കീരി അധ്യക്ഷത വഹിച്ചു.എസ്ടിയു സംസ്ഥാന ഉപാധ്യക്ഷൻ കെ.ടി. കുഞ്ഞാൻ, മുസ്ലിംലീഗ് നിലന്പൂർ നിയോജക മണ്ഡലം പ്രസിഡന്റ് സി.എച്ച്. ഇഖ്ബാൽ, ജസ്മൽ പുതിയറ, മൻസൂർ ബാബു, പി.കെ. ഉസ്മാൻ, ലുഖ്മാൻ അരീക്കോട്, ടി.പി. സിദീഖ്, മുസ്തഫ കാളികാവ്, കുന്നുമ്മൽ സൈതലവി, റംലത്ത് കുറ്റീരി തുടങ്ങിയവർ പ്രസംഗിച്ചു.