സ്കൂട്ടർ ഇടിച്ച് കാൽനടയാത്രികൻ മരിച്ചു
11:05 PM Oct 02, 2022 | Deepika.com
ഒല്ലൂർ: സ്കൂട്ടർ ഇടിച്ച് കാൽനടയാത്രക്കാരനായ ഗൃഹനാഥൻ മരിച്ചു. പെരുവാംക്കുളങ്ങര സ്വദേശി കുളങ്ങരവീട്ടിൽ ജോണി(62) ആണ് മരിച്ചത്. ശനിയാഴ്ച വൈകീട്ട് ജോലികഴിഞ്ഞ് വീട്ടിലേക്ക് പോകുന്പോൾ സ്കൂട്ടർ ഇടിക്കുകയായിരുന്നു. തലയ്ക്ക് ഗുരുതരമായി പരിക്കേറ്റ ജോണിയെ ആശുപത്രിയിൽ എത്തിച്ചുവെങ്കിലും അർധരാത്രിയോടെ മരിച്ചു. സംസ്കാരം നടത്തി. ഭാര്യ: റോസിലി. മക്കൾ: ജോണ്സണ്, ജോണ്സി. സ്കൂട്ടർ ഓടിച്ചിരുന്നയാളും പരിക്കേറ്റ് ചികിത്സയിലാണ്.