തൃശൂർ : സർക്കാരിന്റെ മദ്യവ്യാപനനയം മറ്റു ലഹരി വസ്തുക്കളും സമൂഹത്തിൽ വ്യാപകമാകാൻ കാരണമായെന്ന് കേരള മദ്യനിരോധന സമിതി സംസ്ഥാന പ്രസിഡന്റ് പ്രഫ. ടി.എം. രവീന്ദ്രൻ.
കേരളത്തിലെ കുട്ടികൾ ലഹരിയുടെ പിടിയിൽ അമർന്നപ്പോൾ യോദ്ധാവ് എന്ന പുതിയ ചെപ്പടിവിദ്യയുമായി വന്നിരിക്കുകയാണ് സർക്കാരെന്നും അദ്ദേഹം പറഞ്ഞു. മദ്യനിരോധന സമിതി തൃശൂർ ജില്ലാ കമ്മിറ്റി സംഘടിപ്പിച്ച ഏകദിന ക്യാന്പ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ജില്ലാ പ്രസിഡന്റ് ഇ പി വർഗീസ് അധ്യക്ഷത വഹിച്ചു. മുൻ കോർപറേഷൻ കൗണ്സിലർ കെ.എം. സിദ്ധാർഥൻ മാസ്റ്റർ, സംസ്ഥാന വൈസ് പ്രസിഡന്റ് വിത്സണ് പണ്ടാരവളപ്പിൽ, സംസ്ഥാന സെക്രട്ടറി ജോയ് അയിരൂർ, ജില്ലാ സെക്രട്ടറി സദാശിവൻ കുറുവത്ത്, ട്രഷറർ പോൾ ചെവിടൻ, വൈസ് പ്രസിഡന്റ് കെ.എച്ച്. സിദ്ദിഖ്, ജോയന്റ് സെക്രട്ടറി സണ്സി പീറ്റർ, പി.എൽ. സെബാസ്റ്റ്യൻ മാസ്റ്റർ, ബേബി മൂക്കൻ, കെ.എം. പ്രേംദാസ്, സുഭാഷ് ചന്ദ്രബോസ്, പി.പി. ബിനു എന്നിവർ പ്രസംഗിച്ചു.
യോദ്ധാവ് സർക്കാരിന്റെ പുതിയ ചെപ്പടി വിദ്യയെന്ന് കേരള മദ്യനിരോധന സമിതി
12:37 AM Oct 02, 2022 | Deepika.com