ഇരിങ്ങാലക്കുട: ലിറ്റിൽ ഫ്ലവർ മഠം കപ്പേളയിൽ 40 മണിക്കൂർ ആരാധന ഇന്ന് ആരംഭിക്കും.
രാവിലെ 6.30ന് നടക്കുന്ന ആഘോഷമായ ദിവ്യബലിക്ക് രൂപത വികാരി ജനറാൾ മോണ്. ജോയ് പാലിയേക്കര മുഖ്യകാർമികത്വം വഹിക്കും. തുടർന്ന് 7.30 മുതൽ രാത്രി 8.30 വരെ പൊതു ആരാധന, നൊവേന എന്നിവയ്ക്ക് ഇരിങ്ങാലക്കുട സെന്റ് പോൾ മൈനർ സെമിനാരി നേതൃത്വം നൽകും.
നാളെ രാവിലെ 6.30ന് നടക്കുന്ന ആഘോഷമായ ദിവ്യബലിക്ക് ക്രൈസ്റ്റ് വിദ്യാനികേതൻ വൈസ് പ്രിൻസിപ്പൽ ഫാ. പ്രവീണ് പുത്തൻചിറക്കാരൻ സിഎംഐ മുഖ്യകാർമികത്വം വഹിക്കും. തുടർന്ന് 7.30 മുതൽ രാത്രി 8.30 വരെ പൊതു ആരാധന, നൊവേന. ഒക്ടോബർ ഒന്നിന് രാവിലെ ഏഴിന് ആരാധന, ഉച്ചകഴിഞ്ഞ് മൂന്നിന് നടക്കുന്ന ആഘോഷമായ ദിവ്യബലിക്ക് രൂപത ബിഷപ് മാർ പോളി കണ്ണൂക്കാടൻ മുഖ്യകാർമികത്വം വഹിക്കും. തുടർന്ന് ആരാധന സമാപനചടങ്ങുകൾ നടക്കും.
വിശുദ്ധ കൊച്ചുത്രേസ്യയുടെ തിരുനാൾ ദിനമായ രണ്ടിന് രാവിലെ 10.30ന് നടക്കുന്ന ആഘോഷമായ ദിവ്യബലിക്ക് രൂപത ചാൻസലർ ഫാ. നെവിൻ ആട്ടോക്കാരൻ മുഖ്യകാർമികത്വം വഹിക്കും. രൂപത വികാരി ജനറാൾ മോണ്. ജോസ് മഞ്ഞളി സഹകാർമികനായിരിക്കും. ക്രൈസ്റ്റ് കോളജ് മലയാള വിഭാഗം മേധാവി ഫാ. ജോസ് കേളംപറന്പിൽ സിഎംഐ തിരുനാൾ സന്ദേശം നൽകും. പരിപാടികൾക്ക് എൽഎഫ് കോണ്വെന്റ് സുപ്പീരിയർ സിസ്റ്റർ കരോളിൻ സിഎംസി നേതൃത്വം നൽകും.
ലിറ്റിൽ ഫ്ലവർ മഠം കപ്പേളയിൽ 40 മണിക്കൂർ ആരാധന ഇന്ന് ആരംഭിക്കും
12:34 AM Sep 29, 2022 | Deepika.com