ഇരിങ്ങാലക്കുട: വർക്ക്ഷോപ്പ് പരിസരത്ത് പാർക്ക് ചെയ്തിരുന്ന ഇരുചക്രവാഹനം കവർന്ന പ്രതി പോലീസ് പിടിയിൽ. മരത്താക്കര എടക്കുന്നി ചൂണ്ടയിൽ വീട്ടിൽ സോഡ ബാബു എന്ന ബാബുരാജ്(42)നെയാണ് ഇരിങ്ങാലക്കുട പോലീസ് അറസ്റ്റു ചെയ്തത്.
നാൽപതോളം കേസുകളിലെ പ്രതിയായ ഇയാൾ വാഹന പരിശോധനക്കിടയിൽ കരുവന്നൂരിൽ വച്ചാണ് പിടിയിലായത്. ഇരിങ്ങാലക്കുട പ്രൈവറ്റ് ബസ് സ്റ്റാൻഡിന് അടുത്തുള്ള കേരള മെറ്റൽസ് എന്ന ടൂവീലർ വർക്ക്ഷോപ്പിന്റെ പരിസരത്തു നിന്നാണ് ജയ്സൻ എന്നയാളുടെ ഉടമസ്ഥതയിലുള്ള 50,000 രൂപ വിലയുള്ള ഹോണ്ട യൂണികോണ് മോട്ടോർ സൈക്കിൾ പ്രതി കവർന്നത്.
സെപ്റ്റംബർ 26ന് രാവിലെയായിരുന്നു കേസിന് ആസ്പദമായ സംഭവം. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
ഇരുചക്രവാഹനം കവർന്ന പ്രതി വാഹന പരിശോധനയ്ക്കിടെ പിടിയില്
12:33 AM Sep 29, 2022 | Deepika.com