വിസ്കോണ്സിൽ: വിസ്കോണ്സിൽ യൂണിവേഴ്സിറ്റി സൈക്കോളജി പ്രൊഫസറും ഇന്ത്യൻ അമേരിക്കൻ വംശജനുമായ റീഗൻ ഗുറംഗ് രാജ്യാന്തര സൈക്കോളജി സൊസൈറ്റി പ്രസിഡന്റായി തെരഞ്ഞെടുക്കപ്പെട്ടു. 2018 മുതൽ മൂന്നു വർഷത്തേക്കാണ് പ്രസിഡന്റിന്റെ കാലാവധി.
നിരവധി ശാസ്ത്രീയ ഗ്രന്ഥങ്ങളുടെ രചയിതാവായ റീഗൻ നിരവധി പ്രസിദ്ധീകരണങ്ങളുടെ സഹ എഡിറ്ററായും പ്രവർത്തിച്ചിട്ടുണ്ട്. ബോംബെയിൽ ജനിച്ചു വളർന്ന റീഗൻ യൂണിവേഴ്സിറ്റി ഓഫ് വാഷിംഗ്ടണിൽ നിന്നാണു പിഎച്ച്ഡി നേടിയത്.
1999ൽ യൂണിവേഴ്സിറ്റി ഓഫ് വാഷിംഗ്ടണിൽ ഹെൽത്ത് സൈക്കോളജിസ്റ്റായിട്ടാണ് ഒൗദ്യോഗിക ജീവിതം ആരംഭിച്ചത്. ഇന്റർനാഷണൽ സൊസൈറ്റിയിൽ 1150 ചാപ്റ്ററുകൾ യുഎസിൽ പ്രവർത്തിക്കുന്നുണ്ടെന്നും സംഘടനയുടെ പ്രസിഡന്റായി തെരഞ്ഞെടുക്കപ്പെട്ടതിൽ അഭിമാനിക്കുന്നുവെന്നും റീഗൻ പറഞ്ഞു.
റിപ്പോർട്ട്: പി. പി. ചെറിയാൻ
പ്രൊഫ. റീഗൻ ഗുറംഗ് രാജ്യാന്തര സൈക്കോളജി സൊസൈറ്റി പ്രസിഡന്റ്
09:57 PM May 17, 2018 | Deepika.com