മസ്കറ്റ്: മസ്കറ്റ് അന്താരാഷ്ട്ര വിമാനത്താവളത്തിലെ പാർക്കിംഗ് നിരക്കുകൾ കുറച്ചു. മാർച്ച് ഇരുപതിന് പ്രവർത്തനം ആരംഭിച്ച പുതിയ വിമാനത്താവളത്തിൽ അമിത പാർക്കിംഗ് നിരക്കുകൾ ഈടാക്കുന്നതിനെക്കുറിച്ച് വ്യാപകമായ പരാതിയുണ്ടായിരുന്നു. ആദ്യത്തെ അരമണിക്കൂറിന് 500 ബൈസയും, 30 മിനിറ്റു മുതൽ ഒരു മണിക്കൂർ വരെ 1 ഒമാനി റിയാലുമാണ് പുതിയ നിരക്ക്.
സമയ പരിധിയും ബ്രാക്കറ്റിൽ പുതിയ നിരക്കും
12 വരെ മണിക്കൂർ (2ഒമാനി റിയാൽ) 23 (3) 34 (5) 45 (6) 56 (7) 69 (10) 912 (15) 1214 (24).
താങ്ങാനാവാത്ത പാർക്കിംഗ് ഫീസ് ഈടാക്കുന്നതിന്റെ പേരിൽ വിമാനത്താവളത്തിലെ പാർക്കിംഗിൽ വാഹനങ്ങൾ കയറ്റാതെ എയർപോർട്ട് റോഡിൽ താൽക്കാലികമായി വാഹനങ്ങൾ പാർക്ക് ചെയ്യുന്ന രീതി സാധാരണമാണ്. അനധികൃതമായി വഴിവക്കിൽ നിറുത്തിയിടുന്ന ഇത്തരം വാഹനങ്ങളുടെമേൽ പിഴ ഈടക്കുമെന്ന് അധികൃതർ അറിയിച്ചു.
റിപ്പോർട്ട്: സേവ്യർ കാവാലം
മസ്കറ്റിലെ പുതിയ വിമാനത്താവളത്തിന്റെ പാർക്കിംഗ് ഫീസ് കുറച്ചു
10:57 PM May 15, 2018 | Deepika.com