കാഠ്മണ്ഡു: നേപ്പാളിലെ ഗ്രാമ പ്രദേശങ്ങളില്‍ സൗജന്യ മെഡിക്കല്‍ ക്യാംപ് നടത്തി ആയിരക്കണക്കിനു പേര്‍ക്ക് സൗജന്യ വൈദ്യസഹായം നല്‍കിയ ലയണ്‍സ് ക്ലബ്ബ് ഇന്റര്‍നാഷനല്‍ ഡിസ്ട്രിക്റ്റ് 4 സി 3 റീജിയണ്‍ ചെയര്‍ ജയിംസ് വര്‍ഗീസിന് നേപ്പാളിലെ ഇത്തിഹാരി സിറ്റി മേയര്‍ അവാര്‍ഡ് നല്‍കി ആദരിച്ചു.
നേപ്പാളിലെ സപ്താരി, ഇത്തിഹാരി ഗ്രാമങ്ങളില്‍ കൈലാഷ് മെഡിക്കല്‍ ഫൗണ്ടേഷന്റെയും ലയണ്‍സ് ക്ലബ്ബിന്റെയും ആഭിമുഖ്യത്തില്‍ നടത്തിയ ഒരാഴ്ച നീണ്ട സൗജന്യ മെഡിക്കല്‍ ക്യാംപില്‍ 2,500 ല്‍ പരം രോഗികള്‍ പങ്കെടുത്ത് വൈദ്യ സഹായം സ്വീകരിച്ചു.
അമേരിക്കയില്‍ നിന്നും 13 അംഗ മെഡിക്കല്‍ സംഘവും പത്തോളം പേരടങ്ങുന്ന നേപ്പാളിലെ കൊയ്‌രാള മെഡിക്കല്‍ ഇന്‍സ്റ്റിറ്റ്യൂട്ടിലെ ഡോക്ടര്‍മാരും നഴ്‌സുമാരും രണ്ടു ക്യാംപുകളിലും പ്രവര്‍ത്തിച്ചു മെഡിക്കല്‍ ക്യാംപ് വിജയകരമാക്കി.
റിപ്പോര്‍ട്ട്: ജോയിച്ചന്‍ പുതുക്കുളം
ജയിംസ് വര്‍ഗീസിന് നേപ്പാളിലെ ഇത്തിഹാരി സിറ്റി മേയര്‍ അവാര്‍ഡ് നല്‍കി ആദരിച്ചു
02:24 PM Apr 26, 2018 | Deepika.com