വേലൂർ ഒരുമ കുവൈറ്റ് വാർഷികം ആഘോഷിച്ചു

കുവൈത്ത്: തൃശൂർ ജില്ലയിലെ വേലൂർ സ്വദേശികളുടെ കൂട്ടായ്മയായ വേലൂർ ഒരുമ യുടെ 14- ാമത് വാർഷികം ഏപ്രിൽ 20 ന് വിവിധ പരിപാടികളോടെ മംഗഫ്, ബ്ലോക്ക്-4 കാപ്സി ഹാളിൽ ആഘോഷിച്ചു.

സാമൂഹിക പ്രവർത്തകനും ലോക കേരള സഭാംഗവുമായ ബാബു ഫ്രാൻസീസ് ഉദ്ഘാടനം നിർവഹിച്ചു. സെക്രട്ടറി ജോഫ്രി ജോർജ് അധ്യക്ഷത വഹിച്ചു. ചടങ്ങിൽ സംഘടനയുടെ സ്ഥാപക പ്രസിഡന്‍റു കൂടിയായ ലോക കേരളാ സഭാംഗം ബാബു ഫ്രാൻസീസിനെ പൊന്നാട അണിയിച്ച് ആദരിച്ചു. നാഷണൽ ഇൻഷ്വറൻസ് കന്പനിയുമായി സഹകരിച്ച് നടപ്പിലാക്കിയ സൗജന്യ ഇൻഷ്വറൻസ് കാർഡുകൾ അംഗങ്ങൾക്ക് വിതരണം ചെയ്തു. തുടർന്നു അംഗങ്ങളും കുട്ടികളും അവതരിപ്പിച്ച വിവിധ കലാപരിപാടികളും സമ്മാനങ്ങളും വിതരണം ചെയ്തു. ജോയിന്‍റ് സെക്രട്ടറി വി.പി. ടോമി, ഓർഗനൈസർ സി.പി. പിയൂസ്, ട്രഷറർ കെ. ശുഭ സുബ്രൻ എന്നിവർ പ്രസംഗിച്ചു.

റിപ്പോർട്ട്: സലിം കോട്ടയിൽ