ന്യൂയോർക്ക്: ഫൊക്കാന കണ്വെൻഷന് മാറ്റു കൂട്ടാൻ ഇക്കുറിയും ഫൊക്കാന ഫിലിം ഫെസ്റ്റിവൽ അരങ്ങേറുന്നു. ഫിലഡൽഫിയയിലെ വാലി ഫോർജ് കണ്വെൻഷൻ സെന്ററിൽ ജൂലൈ 5 മുതൽ 8 വരെയാണ് ഫെസ്റ്റിവൽ അരങ്ങേറുന്നത്. ശബരിനാഥ് നായർ ചെയർമാനായി ഫിലിം ഫെസ്റ്റിവൽ കമ്മിറ്റിക്കു രൂപം കൊടുത്തു.
ചലച്ചിത്ര ലോകത്തെ പുത്തൻ പ്രവണതകൾ പങ്കുവച്ചുകൊണ്ടുള്ള കൊണ്ടുള്ള ചർച്ചകളും വർക്ക് ഷോപ്പുകളും ഈ വർഷത്തെ പ്രത്യേകതയാകുമെന്ന് അദ്ദേഹം അറിയിച്ചു. ഷോർട് ഫിലിം മത്സരമാണ് പ്രേക്ഷക ലോകം ഉറ്റുനോക്കുന്ന ഫിലിം ഫെസ്റ്റിവലിലെ മറ്റൊരു പ്രധാന ഇനം. അമേരിക്കയിലും കാനഡയിലുമുള്ള പ്രവാസി മലയാളികളുടെ ചലച്ചിത്ര പ്രവർത്തങ്ങൾക്കുള്ള പ്രോത്സാഹനമായിട്ടാണ് ഫൊക്കാന ഫിലിം ഫെസ്റ്റിവലിൽ ഷോർട് ഫിലിം മത്സരം നടത്തുന്നത്.
പ്രമുഖ നടനും സംവിധായകനുമായ മധുപാലിന്റെ നേതൃത്വത്തിലുള്ള മലയാള സിനിമയിലെ പ്രഗത്ഭരായ ജൂറിയാണ് ഷോർട് ഫിലിം മത്സരം വിലയിരുത്തന്നത് . അമേരിക്കയിൽ നിന്നും പ്രശസ്ത നടി മന്യ നായിഡു ജൂറി അംഗമാകും. സിനിമയുടെ ആസ്വാദന തലങ്ങളിലെ വേറിട്ട അനുഭവം പ്രേക്ഷകർക്ക് ഉളവാക്കാനുള്ള വേദിയായി ഫൊക്കാന ഫിലിം ഫെസ്റ്റിവൽ മാറുമെന്ന് ഫൊക്കാന പ്രസിഡന്റ് തന്പി ചാക്കോ അഭിപ്രായപ്പെട്ടു.
അമേരിക്കയിലെ മലയാളി ചലച്ചിത്രകാരന്മാർക്കു മുഖ്യധാരാ സിനിമയിലേക്ക് ഒരു വഴികാട്ടിയായി മാറുക എന്നതാണ് ഫൊക്കാന ഫിലിം ഫെസ്റ്റിവലിന്റെ ഉദ്ദേശമെന്ന് ഫൊക്കാന സെക്രട്ടറി ഫിലിപ്പോസ് ഫിലിപ്പും ട്രഷർ ഷാജി വർഗീസും പറഞ്ഞു. 2016 ജനുവരി ഒന്നിന് ശേഷം ഉള്ള സൃഷ്ടികൾ ഷോർട് ഫിലിം മത്സരത്തിനായി അയക്കാം . മുപ്പതു മിനിറ്റിൽ താഴെ ദൈർഘ്യാമുള്ള ഹൃസ്വ ചിത്രങ്ങൾ ഡിജിറ്റൽ ഫോർമാറ്റിൽ മെയ് 25 നു മുൻപ് fokanafilmfest @gmail .com എന്ന ഇമെയിൽ അയക്കുക.
റിപ്പോർട്ട്: ശ്രീകുമാർ ഉണ്ണിത്താൻ
ഫൊക്കാന ഫിലിം ഫെസ്റ്റിവൽ: ശബരിനാഥ് നായർ ഫെസ്റ്റിവൽ ചെയർമാൻ, മധുപാൽ ജൂറി ചെയർ.
11:14 PM Mar 22, 2018 | Deepika.com