ന്യൂജേഴ്സി: വേൾഡ് മലയാളി കൗണ്സിൽ അമേരിക്ക റീജണ് ഇലക്ഷൻ കമ്മീഷണറായി ചാക്കോ കൊയ്ക്കലെത്തിനെ നിയമിച്ചു. അമേരിക്ക റീജണ് എക്സിക്യൂട്ടീവ് കോണ്സിലിന്റെ സഹായത്തോടെയാണ് ഗ്ലോബൽ ഇലക്ഷൻ കമ്മീഷണർ ജോണ് തോമസ് അപ്പോയ്ന്റ്മെന്റ് നടത്തിയത്. അടുത്തു വരുന്ന റീജണിന്റെയും പ്രൊവിൻസുകളുടെയും ജനാധിപത്യ രീതിയിലുള്ള തെരഞ്ഞെടുപ്പുകൾ നടത്തുന്നതിന്റെ ഉത്തരവാദിത്വം ചാക്കോയ്ക്കായിരിക്കുമെന്നു ജോണ് തോമസ് പറഞ്ഞു.
ഡബ്ല്യൂഎംസി റീജണിന്റെ അഡ്മിൻ വൈസ് പ്രസിഡന്റായി സേവനമനുഷ്ഠിക്കുകയായിരുന്നു ചാക്കോ. താൻ ഒഴിഞ്ഞ സ്ഥാനത്തേക്ക് ഇപ്പോഴത്തെ വി. പി. എൽദോ പീറ്ററിനെ അഡ്മിനിസ്ട്രേഷൻ വൈസ് പ്രസിഡന്റായി അമേരിക്ക റീജണ് എക്സികുട്ടീവ് കൗണ്സിൽ നോമിനേറ്റ് ചെയ്തു.
ചാക്കോ കോയിക്കലേതിനേയും എൽദോ പീറ്ററെയും റീജണ് ചെയർമാൻ ജോർജ് പനക്കൽ, പ്രസിഡന്റ് പി. സി. മാത്യു, സെക്രട്ടറി കുരിയൻ സക്കറിയ, ട്രഷർ ഫിലിപ്പ് മാരേട്ട് എന്നിവർ സംയുക്തമായി അനുമോദിച്ചു. ചാക്കോ കോയിക്കലേത്ത് ന്യൂയോർക്ക് പ്രോവിൻസിനെയും എൽദോ പീറ്റർ ഹൂസ്റ്റണ് പ്രോവിൻസിനെയും പ്രധിനിധീകരിക്കുന്നു.
ജോർജ് പനക്കലിന്റെ അധ്യക്ഷതയിൽ കൂടിയ യോഗത്തിൽ, റീജണ് വൈസ് ചെയർമാൻ വർഗീസ് കയ്യാലക്കകം, രുഗ്മിണി പദ്മകുമാർ, സാബു ജോസഫ് സിപിഎ, തോമസ് മൊട്ടക്കൽ, തങ്കമണി അരവിന്ദൻ, സുധിർ നന്പ്യാർ, തോമസ് എബ്രഹാം, എസ്.കെ. ചെറിയാൻ, ഷോളി കുന്പിളുവേലിൽ പുന്നൂസ് തോമസ് എന്നിവർ പ്രസംഗിച്ചു.
റിപ്പോർട്ട്:: ജിനേഷ് തന്പി
ചാക്കോ കോയിക്കലേത്ത് ഡബ്ല്യുഎംസി അമേരിക്കാ റീജണൽ ഇലക്ഷൻ കമ്മീഷണർ
10:16 PM Dec 11, 2017 | Deepika.com