ടൊറന്‍റോ: ആഗതമാകുന്ന ക്രിസ്മസിനു ഒരുക്കമായി ടൊറന്േ‍റാ സെന്‍റ് മേരീസ് ക്നാനായ കാത്തലിക് മിഷന്‍റെ ആഭിമുഖ്യത്തിൽ കുടുംബനവീകരണ ധ്യാനം ഡിസംബർ ഒന്ന്, രണ്ട്, മൂന്ന് (വെള്ളി, ശനി, ഞായർ) തീയതികളിൽ നടത്തുന്നു.
എറ്റോബിക്കോക്കിലുള്ള മൈക്കിൾ പവർ സെന്‍റ് ജോസഫ് സ്കൂൾ ഓഡിറ്റോറിയത്തിൽ (105, Eringate Drive, Etobicoke, Ontario, M9c3Z7) ആണ് ധ്യാനം. ഫാ. സെബാസ്റ്റ്യൻ വടക്കേപറന്പിൽ ഒസിഎഎം ആണ് ധ്യാനത്തിന് നേതൃത്വം നൽകുന്നത്.
വെള്ളിയാഴ്ച വൈകുന്നേരം ആറിന് വിശുദ്ധ കുർബാനയോടെ ആരംഭിച്ച് രാത്രി ഒന്പതു വരെയും ശനി, ഞായർ ദിവസങ്ങളിൽ രാവിലെ 9.30 മുതൽ വൈകുന്നേരം അഞ്ചു വരെയുമാണ് ധ്യാനം. ധ്യാനത്തിൽ പങ്കെടുക്കുന്നവർക്ക് ഉച്ചഭക്ഷണം ലഭ്യമാണ്. ശനി, ഞായർ ദിവസങ്ങളിൽ കുട്ടികൾക്കും യുവജനങ്ങൾക്കും ജീസസ് യൂത്ത് അംഗങ്ങളുടെ നേതൃത്വത്തിൽ ഇംഗ്ലീഷിൽ പ്രത്യേക ധ്യാനം ഉണ്ടായിരിക്കും.
റിപ്പോർട്ട്: ജോയിച്ചൻ പുതുക്കുളം
ടൊറന്‍റോ സെന്‍റ് മേരീസ് ക്നാനായ കാത്തലിക് മിഷനിൽ കുടുംബനവീകരണ ധ്യാനം
10:37 PM Nov 24, 2017 | Deepika.com