ന്യൂയോർക്ക്: പെൻസിൽവേനിയയിലെ വാലി ഫോർജ് കണ്‍വൻഷൻ സെന്‍ററിൽ 2018 ജൂലൈ 5 മുതൽ അരങ്ങേറുന്ന പതിനെട്ടാമത് ഫൊക്കാന അന്താരാഷ്ട്ര കണ്‍വൻഷനിൽ സാഹിത്യ അവാർഡു കമ്മിറ്റിയുടെ ചെയർമാനായി ന്യൂജേഴ്സിയിൽ നിന്നുള്ള ബെന്നി കുര്യൻ പ്രവർത്തിക്കും.
ഫൊക്കാനയുടെയും പ്രാദേശിക അസോസിയേഷന്‍റെയും സുവനീയറുകളിലും മറ്റു പ്രസദ്ധീകരണങ്ങളിലും ചീഫ് എഡിറ്ററായും എഡിറ്റോറിയൽ ബോർഡിലും സ്തുത്യാർഹമായി പ്രവർത്തിച്ച് മികവ് തെളിയിച്ച വ്യക്തിയാണ് ബെന്നി കുര്യൻ. ൗൊമഹമ്യമഹലല.രീാ എന്ന ഓണ്‍ലൈൻ ന്യൂസ് പേപ്പറിന്‍റെ സാഹിത്യ വിഭാഗം എഡിറ്റർ കൂടിയാണ് ബെന്നി.
മലയാള ഭാഷയെയും സാഹിത്യത്തെയും അങ്ങേയറ്റം സ്നേഹിക്കുന്ന ബെന്നി കുര്യനെ സാഹിത്യ അവാർഡു കമ്മിറ്റിയുടെ ചുമതലക്കാരനാക്കുന്നതിൽ ഫൊക്കാന എക്സിക്യൂട്ടീവ് കമ്മിറ്റിക്ക് അത്യധികം സന്തോഷമുണ്ടെന്നും അവാർഡു നിർണയം കുറ്റമറ്റതും മാതൃകാപരവും അവിസ്മരണീയമായ ഒരു സാഹിത്യാനുഭവമാക്കി മാറ്റുമെന്നുള്ള കാര്യത്തിൽ വളരെയധികം ശുഭാപ്തിവിശ്വാസമുണ്ടെന്നും പ്രസിഡന്‍റ് തന്പി ചാക്കോ, ജനറൽ സെക്രട്ടറി ഫിലിപ്പോസ് ഫിലിപ്പ്, ട്രഷറർ ഷാജി വർഗീസ്, എക്സിക്യൂട്ടീവ് വൈസ് പ്രസിഡന്‍റ് ജോയി ഇട്ടൻ എന്നിവർ അറിയിച്ചു.
റിപ്പോർട്ട്: ശ്രീകുമാർ ഉണ്ണിത്താൻ
2018 ഫൊക്കാനാ കണ്‍വൻഷൻ: ബെന്നി കുര്യൻ സാഹിത്യ അവാർഡ് കമ്മിറ്റി ചെയർമാൻ
08:53 PM Nov 18, 2017 | Deepika.com