അൽഖോബാർ: ഗെയിൽ പൈപ്പ്ലൈൻ ഇരകൾക്ക് ഐക്യദാർഢ്യം പ്രഖ്യാപിച്ചുകൊണ്ട് പ്രവാസി സാംസ്കാരികവേദി മലപ്പുറം, കോഴിക്കോട്, കണ്ണൂർ ജില്ലാകമ്മിറ്റികളുടെ നേതൃത്വത്തിൽ പ്രതിഷേധ സംഗമം സംഘടിപ്പിച്ചു.
നാട്ടിൽ നടക്കുന്ന വികസനപ്രവർത്തനങ്ങൾക്ക് ആരും എതിരല്ല, അതേസമയം വികസനത്തിന്റെ പേരിൽ ജനങ്ങളുടെ കിടപ്പാടവും ജീവിതവും ഇല്ലാതാവുന്നത് അംഗീകരിക്കാൻ കഴിയില്ലെന്ന് സംഗമം ഉദ്ഘാടനം ചെയ്തുകൊണ്ട് പ്രവാസി സാംസ്കാരികവേദി ദമ്മാം ഘടകം പ്രസിഡൻറ് രാജു നായിഡു അഭിപ്രായപ്പെട്ടു.
പ്രതികരിക്കുന്നവരെ തീവ്രവാദികളും പിന്തിരിപ്പമ്മാരുമാക്കുന്നത് ജനാധിപത്യസർക്കാരിന് ഭൂഷണമല്ല. പ്രതിപക്ഷത്തായിരിക്കുന്പോൾ ഇതേ പൈപ്പ്ലൈനിനെതിരെ ആശങ്ക പ്രകടിപ്പിച്ചവർ ഭരണം കിട്ടിയപ്പോൾ പ്രസ്തുത ആശങ്ക ദൂരീകരിച്ചതെങ്ങനെയെന്ന് വ്യക്തമാക്കണമെന്നും അദ്ദേഹം കൂട്ടിച്ചേർത്തു. ഷാജഹാൻ ടി. അബ്ബാസ് മലപ്പുറം, റഹ്മത്തുല്ല കോഴിക്കോട്, സയീം അലി കണ്ണൂർ, ഹക്കീം പാലക്കാട്, എം.കെ. ഷാജഹാൻ തിരുവനന്തപുരം തുടങ്ങിയവർ പ്രസംഗിച്ചു. അബ്ദുൽ റഷീദ് അധ്യക്ഷത വഹിച്ചു. സിറാജ് തലശേരി സ്വാഗതവും റമീസ് മാളിക്കടവ് നന്ദിയും പറഞ്ഞു.
റിപ്പോർട്ട്: അനിൽ കുറിച്ചിമുട്ടം
വികസനത്തിന് ആരും എതിരല്ല, സർക്കാരുകൾ പാവങ്ങളെ വഴിയാധാരമാക്കരുത്: പ്രവാസി സംഗമം
10:24 PM Nov 14, 2017 | Deepika.com