കുവൈത്ത്: ജീവകാരുണ്യ പ്രവർത്തന രംഗത്ത് അര ദശാബ്ദ കാലമായി തങ്ങളുടേതായ നിറസാന്നിധ്യം അറിയിച്ചു കൊണ്ട് കുവൈത്തിൽ പ്രവർത്തിക്കുന്ന മാന്നാർ അസോസിയേഷന്റെ ആഭിമുഖ്യത്തിൽ 2017 ഒക്ടോബർ 13 വെള്ളിയാഴ്ച രാവിലെ 7 മുതൽ ഉച്ചക്ക് 2 വരെ കുവൈത്ത് ഫർവാനിയ ബദർ അൽ സമ മെഡിക്കൽ സെന്ററിന്റെ സഹകരണത്തോടുകൂടി ഒരു സൗജന്യ മെഡിക്കൽ ക്യാന്പ് സംഘടിപ്പിച്ചു.
ക്യാന്പിന്റെ ഉദ്ഘാടനം അസോസിയേഷൻ പ്രസിഡന്റ് രമേഷ് പിള്ള നിർവ്വഹിക്കുകയും അസോസിയേഷൻ ജനറൽ സെക്രട്ടറി സുനിൽ കുമാർ സ്വാഗതം പറയുകയും ചെയ്തു.
ബദർ അൽസമ മെഡിക്കൽ സെന്ററിനുവേണ്ടി മാർക്കറ്റിംഗ് വിഭാഗം മാനേജർ നിഥിൻമേനോൻ, അബ്ദുൾ റസ്സാക്ക് എന്നിവർ ആശംസകൾ അർപ്പിക്കുകയും മാന്നാർ അസോസിയേഷന്റെ തുടർ ജീവകാരുണ്യ പ്രവർത്തനങ്ങളിൽ പ്രസ്തുത മെഡിക്കൽ സെന്ററിന്റെ സഹകരണം ഉറപ്പ് നൽകുകയും ചെയ്തു. അതിനുശേഷം ട്രഷറർ രഞ്ജി തോമസ് അസോസിയേഷനു വേണ്ടി നന്ദി പ്രകാശനം നടത്തി.
റിപ്പോർട്ട്: സലിം കോട്ടയിൽ
മാന്നാർ അസോസിയേഷൻ സൗജന്യ മെഡിക്കൽ ക്യാന്പ് സംഘടിപ്പിച്ചു
09:11 PM Oct 19, 2017 | Deepika.com