അൽകോബാർ: കെഎംസിസി അൽകോബാർ സെൻട്രൽ കമ്മിറ്റിയുടെ ആഭിമുഖ്യത്തിൽ കേരളീയ ജനാധിപത്യ ചരിത്രത്തിൽ പിന്നോക്ക ന്യൂനപക്ഷ ജനതക്ക് അഭിമാനകരമായ അസ്തിത്വത്തിന് ദിശാബോധം നൽകിയ നവോത്ഥാന നായകരെ അനുസ്മരിക്കുന്നു. ഒക്ടോബർ ഏഴ് ശനിയാഴ്ച രാത്രി എട്ടിന് അൽകോബാർ ക്ലാസിക്ക് ഓഡിറ്റോറിയത്തിൽ നടക്കുന്ന ചടങ്ങിൽ ഹ്രസ്വ സന്ദർശനാർത്ഥം അൽകോബാറിലെത്തുന്ന പ്രമുഖ വാഗ്മിയും കൗണ്സിലറുമായ ഡോ: സുലൈമാൻ മേൽപത്തൂർ മുഖ്യ പ്രഭാഷണം നിർവ്വഹിക്കും.
സൗദി കെഎംസിസി ഹജ്ജ് സെല്ലിന് കീഴിൽ മിനായിൽ വളണ്ടിയർ സേവനം ചെയ്ത അൽകോബാറിൽ നിന്നുള്ള വളണ്ടിയേഴ്സിനുള്ള സ്വീകരണവും ചടങ്ങിൽ നടക്കുമെന്നു അൽകോബാർ കഐംസിസി സെൻട്രൽ കമ്മിറ്റി ഭാരവാഹികളായ റഫീക്ക് പൊയിൽതൊടി. സിറാജ് ആലുവ, റസൽ ചുണ്ടാക്കാടൻ എന്നിവർ വാർത്താക്കുറിപ്പിൽ അറിയിച്ചു. കൂടുതൽ വിവരങ്ങൾക്ക് 0569259501 എന്ന നന്പറിൽ വിളിക്കാം.
റിപ്പോർട്ട്: അനിൽ കുറിച്ചിമുട്ടം
അൽകോബാർ കെഎംസിസി അനുസ്മരണ സംഗമവും ഹജ്ജ് വളണ്ടിയർമാർക്കുള്ള സ്വീകരണവും
11:35 PM Oct 06, 2017 | Deepika.com