ന്യുയോർക്ക്: ഇ മലയാളിയുടെ എഴുത്തുകാർക്ക് വേണ്ടി പ്രതിവർഷം സംഘടിപ്പിക്കുന്ന സാഹിത്യ അവാർഡുകൾ ലാന സമ്മേളനത്തിൽ വച്ചു വിതരണം ചെയ്യും. ക്വീൻസിലെഫ്ളോറൽ പാർക്കിലെ ടൈസൻ സെന്ററിൽ ഒക്ടോബർ 6, 7, 8 എന്നീ തീയതികളിലാണ് ലാന സമ്മേളനം.
കവിത- എത്സി യോഹന്നൻ ശങ്കരത്തിൽ, കഥ- സാംസി കൊടുമണ്, ലേഖനം- ജോണ് മാത്യു, ഹൂസ്റ്റൻ, വായനക്കരുടെ പ്രിയ എഴുത്തുകാരൻ ജോസഫ് പടന്നമാക്കൽ, പ്രത്യേക അംഗീകാരം മീനു എലിസബത്ത്, ശ്രീ ബി. ജോണ് കുന്തറ എന്നിവർക്കാണ് അവാർഡുകൾ നൽകുന്നത്.
ഈ വർഷം അമേരിക്കൻ മലയാളി എഴുത്തുകാർക്കൊപ്പം മറ്റു പ്രവാസി എഴുത്തുകാരേയും അവാർഡിനായി പരിഗണിച്ചിരുന്നു. കവിത തൊടുപുഴ കെ. ശങ്കർ, മുംബൈ, കഥശ്രീപാർവതി, കേരള ലേഖനം എം.എസ്. സുനിൽ, കേരള, പ്രത്യേക അംഗീകാരം മീട്ടു റഹ്മത് കലാം എന്നിവരെയും തെരഞ്ഞെടുത്തു.
2017 ലെ അവാർഡുകൾക്കായി എഴുത്തുകാർ അവരുടെ നല്ല രചനകൾ ഇ മലയാളിക്ക് അയച്ച് കൊണ്ടിരിക്കുക. വർഷാവസാനം അവയെല്ലാം വിലയിരുത്തപ്പെടും. പ്രസ്തുത ചടങ്ങിലേക്ക് എല്ലാവരുടേയും സാന്നിദ്ധ്യം സാദരം ക്ഷണിക്കുന്നു.
ഇ മലയാളിയുടെ സാഹിത്യ അവാർഡ് ലാന സമ്മേളനത്തിൽ സമ്മാനിക്കും
09:25 PM Sep 21, 2017 | Deepika.com