കുവൈത്ത് സിറ്റി: മുതിർന്ന മാധ്യമ പ്രവർത്തക ഗൗരി ലങ്കേഷിന്റെ കൊലപാതകത്തിൽ പ്രതിഷേധിച്ച് കേരള ആർട്ട് ലവേഴ്സ് അസോസിയേഷൻ, കല കുവൈറ്റ് പ്രതിഷേധ കൂട്ടായ്മ സംഘടിപ്പിക്കുന്നു. സെപ്റ്റംബർ 22, വെള്ളിയാഴ്ച വൈകീട്ട് 5നു സാൽമിയ കല സെന്ററിൽ വച്ചാണ് പരിപാടി സംഘടിപ്പിച്ചിരിക്കുന്നത്.
എംഎം കൽബുർഗിയടക്കമുള്ളവരുടെ വധത്തിനെതിരായ സമരത്തിൽ മുൻനിര പോരാളിയായിരുന്ന ഗൗരി സെപ്റ്റംബർ 5നാണ് കൊല്ലപ്പെട്ടത്. വലതുപക്ഷ രാഷ്ട്രീയത്തിനെതിരായും വർഗീയതക്കെതിരായും ശക്തമായ നിലപാടെടുത്ത മാധ്യമപ്രവർത്തകയായിരുന്നു അവർ. ഇതിന്റെ പേരിൽ വിവിധ ഭാഗങ്ങളിൽനിന്ന് ഇവർ നിരന്തരം ഭീഷണി നേരിട്ടിരുന്നു. ഇന്ത്യയിൽ മതേതര നിലപാടെടുക്കുന്ന എഴുത്തുകാർക്കെതിരെ വർഗീയവാദികൾ ആയുധമെടുക്കുന്ന അവസ്ഥയാണുള്ളത്. ഇതിനെതിരെ ശക്തമായ പ്രതിഷേധം ഉയർന്നു വരണം. എല്ലാ മതേതര ജനാധിപത്യ വിശ്വാസികളേയും പ്രതിഷേധ കൂട്ടായ്മയിലേക്ക് ക്ഷണിക്കുന്നതായി കല കുവൈറ്റ് ഭാരവാഹികൾ അറിയിച്ചു.
റിപ്പോർട്ട്: സലിം കോട്ടയിൽ
ഗൗരി ലങ്കേഷ് വധം: കല കുവൈറ്റ് പ്രതിഷേധ കൂട്ടായ്മ സെപ്റ്റംബർ 22ന്
10:15 PM Sep 20, 2017 | Deepika.com