ദമാം: ശക്തമായ മഴയിൽ റെയിൽ പാളം ഒഴുകിപ്പോയതിനെ തുടർന്ന് സൗദിയിലെ കിഴക്കൻ നഗരമായ ദമാമിൽ ട്രെയിൻ പാളം തെറ്റി. അപകടത്തിൽ 18 പേർക്ക് പരിക്കേറ്റു. വെള്ളിയാഴ്ച പുലർച്ചെ ഒന്നോടെയായിരുന്നു അപകടം.
റിയാദിൽനിന്നും ദമാമിലേക്കു വരുകയായിരുന്ന ട്രെയിനാണ് പാളംതെറ്റിയത്. അഞ്ചു ബോഗികൾ പാളം തെറ്റി. അപകടത്തിൽപെട്ടവരെ ദമാമിലെ ആശുപത്രിയിൽ പ്രവേശിപ്പിച്ചു. സൗദിയിൽ ഒരാഴ്ചയായി കനത്ത മഴ തുടരുകയാണ്. രാജ്യത്തിന്റെ വിവിധ ഭാഗങ്ങളിൽ മഴക്കെടുതിയിൽ കുടുങ്ങിപ്പോയ 951 പേരെ രക്ഷപെടുത്തിയതായി സൗദി അധികൃതർ അറിയിച്ചു.
റിപ്പോർട്ട്: അനിൽ കുറിച്ചിമുട്ടം
ദമാമിൽ ട്രെയിൻ പാളം തെറ്റി; 18 പേർക്ക് പരിക്ക്
08:48 PM Feb 17, 2017 | Deepika.com