അക്ഷയകേന്ദ്രങ്ങള്ക്ക് ഇന്ന് അവധി
കാസർഗോഡ്: അക്ഷയ 16-ാം വാര്ഷികാഘോഷത്തിന്റെ ഭാഗമായി അക്ഷയ കുടുംബ സംഗമം പടന്നക്കാട്ട് നടക്കുന്നതിനാല് ജില്ലയിലെ മുഴുവന് അക്ഷയ കേന്ദ്രങ്ങള്ക്കും ഇന്ന് അവധിയായിരിക്കുന്നതാണെന്ന് ജില്ലാ കളക്ടര് അറിയിച്ചു.
അഫിലിയേറ്റഡ് ക്ലബുകളുടെ യോഗം 19ന്
കാസർഗോഡ്: നെഹ്റു യുവകേന്ദ്രയുമായി അഫിലിയേറ്റ് ചെയ്തിട്ടുള്ള ക്ലബുകളുടെ യോഗം 19നു രാവിലെ പത്തിനു കാസര്ഗോഡ് ഓഫീസില് നടത്തും. 2018-19 വര്ഷത്തേക്കുള്ള പ്രോഗ്രാമുകള് ഏറ്റെടുത്തു നടത്തുവാന് അപേക്ഷ തന്നിട്ടുള്ള ക്ലബുകള്ക്കും താത്പര്യമുള്ള ക്ലബുകള്ക്കും ഈ യോഗത്തില് പങ്കെടുക്കാം. ഫോൺ: 04994 255144, 6282264617.
തേനീച്ച വളര്ത്തല്: രണ്ടാം ബാച്ച് 21 മുതല്
കാസർഗോഡ്: കൃഷി വിജ്ഞാന കേന്ദ്രം, ഹോര്ട്ടികോര്പ്പ് (തിരുവനന്തപുരം) കാസര്ഗോഡ് റൂറല് ഡവലപ്പമെന്റ് സൊസൈറ്റി കോളിച്ചാല് എന്നിവര് സംയുക്തമായി നടത്തിവരുന്ന തേനീച്ച വളര്ത്തല് പരിപാടിയുടെ ഈ വര്ഷത്തെ രണ്ടാമത്തെ ബാച്ച് 21നു കൃഷിവിജ്ഞാന കേന്ദ്രത്തില് ആരംഭിക്കും. പങ്കെടുക്കുവാന് താത്പര്യമുളള യുവതീ-യുവാക്കള്, കര്ഷകര് തുടങ്ങിയവര് 04994-232993,9446062182 എന്നീ നമ്പറുകളില് വിളിച്ച് പേര് രജിസ്റ്റര് ചെയ്യണം. ആദ്യം രജിസ്റ്റര് ചെയ്യുന്ന 40 പേര്ക്കാണ് മുന്ഗണന.
അധ്യാപക ഒഴിവ്
തൃക്കരിപ്പൂര്: തൃക്കരിപ്പൂർ ആർട്സ് ആൻഡ് സയൻസ് കോളജിൽ ഇംഗ്ലീഷ് അധ്യാപക ഒഴിവുണ്ട്. നിശ്ചിത യോഗ്യതയുള്ളവർ ബന്ധപ്പെടണമെന്ന് പ്രിന്സിപ്പൽ അറിയിച്ചു. ഫോൺ: 04672214522, 9446401415, 8281557788.
ചെറുവത്തൂര്: ജിഎഫ് വിഎച്ച്എസില് എച്ച്എസ്എ (നാച്ചുറല് സയന്സ് ) അധ്യാപക ഒഴിവുണ്ട്. താത്പര്യമുള്ള ഉദ്യോഗാര്ഥികള് 19നു രാവിലെ 10.30ന് അസല് സര്ട്ടിഫിക്കറ്റ് സഹിതം സ്കൂള് ഓഫീസില് കൂടിക്കാഴ്ചയ്ക്ക് ഹാജരാകണം. ഫോൺ: 0467 2261470.
ഓർമിക്കാൻ
01:26 AM Nov 17, 2018 | Deepika.com