ആലക്കോട്: തെരുവുവിളക്കുകള് കണ്ണടച്ചതോടെ ആലക്കോട് ടൗണ് ഇരുട്ടിലായി. ഉപയോഗശൂന്യമായ വിളക്കുകള് മാറ്റിസ്ഥാപിക്കാന് അധികൃതര് തയാറാകാത്തതു വ്യാപക പ്രതിഷേധത്തിന് ഇടയാക്കിയിരിക്കുകയാണ്.
വ്യാപാരസ്ഥാപനങ്ങള് അടച്ചുപോകുന്നതോടെ ടൗണ് ഇരുട്ടിലാകുകയാണ് ഇവിടെ രാത്രി ബസ് ഇറങ്ങുന്ന യാത്രക്കാര് തപ്പിത്തടയേണ്ട അവസ്ഥയിലാണ്. കോട്ടയം, എറണാകുളം ഭാഗത്തു നിന്നു നാലോളം ബസുകളാണു പുലര്ച്ചെ ഇതുവഴി കടന്നുപോകുന്നത്.
ടൗണ് ഇരുട്ടിലായതോടെ മോഷ്ടാക്കളുടെയും സാമൂഹ്യവിരുദ്ധരുടെയും ശല്യവും കുറവല്ല. എത്രയും പെട്ടെന്നു തെരുവുവിളക്കുകള് പ്രകാശിപ്പിക്കാനുള്ള സംവിധാനം അധികൃതര് കൈക്കൊള്ളാത്ത പക്ഷം ശക്തമായ സമര പരിപാടികളുമായി രംഗത്തെത്താനാണു വ്യാപാരികളുടെ തീരുമാനം.
ആലക്കോട് ടൗണ് ഇരുട്ടില്
01:16 AM Nov 17, 2018 | Deepika.com