നാടോടിനൃത്തമത്സരം അനന്തുവിനു നഷ്ടം
10:49 PM Nov 16, 2018 | Deepika.com
കിടങ്ങൂർ: കലോത്സവ വേദിയിൽനിന്ന് അനന്തുവിന് കണ്ണീരോടെ മടക്കം. ഒരേസമയം രണ്ടു വേദികളിൽ മത്സരം വന്നതാണ് ഹൈസ്കൂൾ വിഭാഗം ആണ്‍കുട്ടികളുടെ കുച്ചുപ്പുടിയിൽ ഒന്നാമതെത്തിയ കാഞ്ഞിരപ്പള്ളി അച്ചാമ്മ മെമ്മോറിയൽ സ്കൂളിലെ ഒന്പതാംക്ലാസ് വിദ്യാർഥി അനന്തുവിനെ വേദിയിൽനിന്ന് മടക്കിയത്. ഏഴാം വേദിയായ സെന്‍റ് മേരീസ് എച്ച്എസ്എസിൽ രാവിലെ ഒന്പതിനായിരുന്നു മത്സരം. കുച്ചുപ്പുടിയിൽ വിജയംനേടി അടുത്ത വേദിയായ ഭാരതീയ വിദ്യാമന്ദിരത്തിൽ എത്തിയപ്പോൾ അവിടെ നാടോടിനൃത്ത മത്സരവും ഫലപ്രഖ്യാപനവും കഴിഞ്ഞിരുന്നു.