കല്ലറ: കല്ലറക്കാവ് പാണ്ഡവർ കുളങ്ങര ഭഗവതി ക്ഷേത്രത്തിൽ കളമെഴുത്തു പാട്ടും നാൽപ്പത്തൊന്ന് മഹോത്സവവും നാളെ തുടങ്ങും. രാവിലെ അഞ്ചിന് നിർമാല്യദർശനം, തുടർന്ന് ക്ഷേത്ര ചടങ്ങുകൾ, വൈകുന്നേരം അഞ്ചിന് നട തുറപ്പ്, 6.30ന് ദീപാരാധന, ദീപക്കാഴ്ച, ഭജന എന്നിവ നടക്കും. മണ്ഡലകാലത്തെ 41 ദിവസവും രാത്രി ഏഴിന് ക്ഷേത്ര സന്നിധിയിൽ കളമെഴുത്തു പാട്ട് നടക്കും.
അലർജി നിർണയ ക്യാന്പ്
മുട്ടുചിറ: എകെസിസി മുട്ടുചിറ യൂണിറ്റിന്റെ നേതൃത്വത്തിൽ ഞായറാഴ്ച രാവിലെ 10 മുതൽ ഒന്ന് വരെ കുട്ടികൾക്കും മുതിർന്നവർക്കുമായി സൗജന്യ ശ്വാസകോശ അലർജി നിർണയ ക്യാന്പ് നടത്തും. മുട്ടുചിറ സെന്റ് തോമസ് പാരീഷ് ഹാളിലാണ് ക്യാന്പ് നടക്കുന്നത്. ഫൊറോനാ പള്ളി വികാരി ഫാ.ജോസഫ് ഇടത്തുംപറന്പിൽ ക്യാന്പ് ഉദ്ഘാടനം ചെയ്യും. യൂണിറ്റ് പ്രസിഡന്റ് മാത്യു അരിയ്ക്കതുണ്ടത്തിൽ അധ്യക്ഷത വഹിക്കും.
കളമെഴുത്തു പാട്ടും നാൽപ്പത്തൊന്ന് മഹോത്സവവും
11:08 PM Nov 15, 2018 | Deepika.com