പാലാ: സംസ്ഥാന സ്പോർട്സ് കൗണ്സിൽ സംഘടിപ്പിക്കുന്ന രണ്ടാമത് കേരള സ്റ്റേറ്റ് സെൻട്രൽ സ്കൂൾ സ്പോർട്സ് ആൻഡ് ഗെയിംസ് മീറ്റിലെ ജില്ലാതല അത്ലറ്റിക് മത്സരങ്ങൾ 19, 20 തീയതികളിൽ പാലാ മുനിസിപ്പൽ സ്റ്റേഡിയത്തിൽ നടക്കും.
കേന്ദ്രീയ വിദ്യാലയം, സിബിഎസ്ഇ, ഐസിഎസ്ഇ, നവോദയ എന്നിവിടങ്ങളിലെ വിദ്യാർഥികളാണ് മേളയിൽ പങ്കെടുക്കുന്നത്. മേളയിൽ ഗെയിംസ് മത്സരങ്ങളായ ഫുട്ബോൾ, ബാസ്കറ്റ്ബോൾ, ഷട്ടിൽ ബാഡ്മിന്റണ് എന്നിവ പാലാ, കോട്ടയം സ്റ്റേഡിയങ്ങളിലായി നടക്കും.
ഈ വർഷം മുതൽ സംസ്ഥാന സ്പോർട്സ് കൗണ്സിൽ സംഘടിപ്പിക്കുന്ന സെൻട്രൽ സ്കൂൾ കായികമേളയിൽ പങ്കെടുത്ത് വിജയികളാകുന്നവർക്ക് സ്പോർട്സ് ക്വോട്ട അഡ്മിഷൻ ഉൾപ്പെടെ വെയിറ്റേജ് മാർക്കിന് അർഹത ഉണ്ടായിരിക്കുമെന്ന് ഭാരവാഹികളായ ജെ.ജി. പാലയ്ക്കലോടി, ജോസഫ് സെബാസ്റ്റ്യൻ, ജോർജ് കുളങ്ങര, വി.സി. അലക്സ് തുടങ്ങിയവർ അറിയിച്ചു.
സംസ്ഥാനതല അത്ലറ്റിക് മീറ്റ് ഡിസംബറിൽ എറണാകുളത്തു നടക്കും.
സെൻട്രൽ സ്കൂൾ അത്ലറ്റിക് മീറ്റ് പാലായിൽ
10:22 PM Nov 15, 2018 | Deepika.com