പോത്തൻകോട്: പണിമൂല തെറ്റിയാർ തോട്ടിലെ ആലുംമൂട് പാലത്തിനുതാഴെ വർക്ക്ഷോപ്പ് തൊഴിലാളിയെ മരിച്ച നിലയിൽ കണ്ടെത്തി. പണിമൂല ഗ്രീദുർഗ്ഗ ഭവനിൽ രാജപ്പൻ (58) നെയാണ് മരിച്ച നിലയിൽ കണ്ടെത്തിയാണ്. കഴിഞ്ഞ ദിവസം രാവിലെ ഏഴു മണിയോടെയാണ് പാലത്തിനടിയിൽ ഒരു മൃതദേഹം നാട്ടുകാരുടെ ശ്രദ്ധയിൽ പ്പെട്ടത്.
തുടർന്ന് പോത്തൻകോട് പോലീസിനെ വിവരമറിയിച്ചു. പോലീസെത്തി നടത്തിയ പരിശോധനയിലാണ് മൃതദേഹം തിരിച്ചറിഞ്ഞത്. തിങ്കളാഴ്ച രാത്രി വീട്ടിലേക്ക് പോകുംവഴി തെറ്റിയാർ തോട്ടിലേക്ക് കാൽ വഴുതിവീണതാകാമെന്നാണ് പോലീസ് നിഗമനം. മൃതദേഹപരിശോധനയ്ക്കു ശേഷം മൃതദേഹം മെഡിക്കൽ കോളജ് ആശുപത്രിയിലേക്ക് കൊണ്ടുപോയി. പോസ്റ്റുമോർട്ടത്തിനുശേഷം ഉച്ചയോടെ മൃതദേഹം വീട്ടുവളപ്പിൽ സംസ്കരിച്ചു. ഭാര്യ: സരോജം. മക്കൾ: മണി കണ്ഠൻ, കാർത്തിക്. മരുമകൾ: സുചിത്ര .
തെറ്റിയാർ തോട്ടിൽ മരിച്ചനിലയിൽ
02:00 AM Nov 15, 2018 | Deepika.com