യു​വ​തി കൈ​ക്കു​ഞ്ഞു​മാ​യി എ​ക്സൈ​സ് ഓ​ഫീ​സി​നു മു​ന്നി​ൽ കു​ത്തി​യി​രു​ന്നു

വൈ​പ്പി​ൻ: എ​ക്സൈ​സ് പി​ടി​കൂ​ടി​യ ഇ​രു​ച​ക്ര​വാ​ഹ​നം വി​ട്ടു​കി​ട്ടാ​ൻ കോ​ട​തി ഉ​ത്ത​ര​വു​ണ്ടാ​യി​ട്ടും എ​ക്സൈ​സ് ഇ​ൻ​സ്പെ​ക്ട​ർ വി​ട്ടു​കൊ​ടു​ക്കാ​ൻ ത​യാ​റാ​കാ​ത്തതിൽ പ്രതിഷേധിച്ചു വാ​ഹ​ന ഉ​ട​മ​യാ​യ വീ​ട്ട​മ്മ കൈ​ക്കു​ഞ്ഞു​മാ​യി ഞാ​റ​ക്ക​ൽ എ​ക്സൈ​സ് റേ​ഞ്ച് ഓ​ഫീ​സ് വ​രാ​ന്ത​യി​ൽ കു​ത്തി​യി​രി​പ്പു സ​മ​രം ന​ട​ത്തി. എ​ള​ങ്കു​ന്ന​പ്പു​ഴ പെ​രു​മാ​ൾ​പ്പ​ടി തു​രു​ത്തു​മ്മ​ൽ പ്രി​യേ​ഷി​ന്‍റെ ഭാ​ര്യ ജെ​യി​ൻ (31) ആ​ണ് സ​മ​രം ന​ട​ത്തി​യ​ത്.
ഇ​ന്ന​ലെ ഉ​ച്ച​ക​ഴി​ഞ്ഞാ​യി​രു​ന്നു സം​ഭ​വം. അ​യ​ൽ​വീ​ട്ടി​ലെ വി​വാ​ഹ​വു​മാ​യി ബ​ന്ധ​പ്പെ​ട്ടു ജെ​യി​ന്‍റെ ഭ​ർ​ത്താ​വ് മ​ദ്യം വാ​ങ്ങി​ക്കൊ​ണ്ടു വ​രു​ന്ന വ​ഴി അ​നു​വ​ദ​നീ​യ​മാ​യ അ​ള​വി​ൽ കൂ​ടു​ത​ൽ മ​ദ്യം ഉ​ണ്ടെ​ന്നു പ​റ​ഞ്ഞ് ഓ​ഗ​സ്റ്റ് 26നാ​ണു വാ​ഹ​നം ക​സ്റ്റ​ഡി​യി​ലെ​ടു​ത്ത​ത്. കേ​സു​മെ​ടു​ത്തി​രു​ന്നു. പി​ന്നീ​ട് വ്യ​വ​സ്ഥ​ക​ളോ​ടെ ഇ​രു​ച​ക്ര​വാ​ഹ​നം വി​ട്ടു​ന​ൽ​കാ​ൻ ഞാ​റ​ക്ക​ൽ ജു​ഡീ​ഷ​ൽ മ​ജി​സ്ട്രേ​റ്റ് കോ​ട​തി ഉ​ത്ത​ര​വി​ട്ടു.
എ​ന്നാ​ൽ വാ​ഹ​ന​ത്തി​ന്‍റെ സൂ​ക്ഷി​പ്പു​കാ​ര​ൻ ഡെ​പ്യൂ​ട്ടി ക​മ്മീ​ഷ​ണ​റാ​യ​തി​നാ​ൽ വാ​ഹ​നം വി​ട്ടു​ന​ൽ​കാ​നാ​വി​ല്ലെ​ന്ന നി​ല​പാ​ടാ​ണ് എ​ക്സൈ​സ് ഇ​ൻ​സ്പെ​ക്ട​ർ സ്വീ​ക​രി​ച്ച​ത്. വീ​ട്ട​മ്മ വീ​ണ്ടും കോ​ട​തി​യെ സ​മീ​പി​ച്ച് മറ്റൊരു ഉ​ത്ത​ര​വ് വാ​ങ്ങി ഹാ​ജ​രാ​ക്കി​യി​ട്ടും വാ​ഹ​നം വി​ട്ടു​കൊ​ടു​ക്കാ​തെ വ​ന്ന​പ്പോ​ഴാ​ണ് കു​ത്തി​യി​രി​പ്പ് സമരം ന​ട​ത്തി​യ​ത്.
എ​ക്സൈ​സ് ഇ​ൻ​സ്പെ​ക്ട​റു​ടെ അ​ഭി​പ്രാ​യം കൂ​ടി ആ​രാ​ഞ്ഞ​ശേ​ഷം വാ​ഹ​നം ഉ​പാ​ധി​ക​ളി​ല്ലാ​തെ വി​ട്ടു​ന​ൽ​കാ​നാ​യി​രു​ന്നു കോ​ട​തി ര​ണ്ടാ​മ​ത് ഉ​ത്ത​ര​വി​ട്ട​ത്. വീ​ണ്ടും കോ​ട​തി​യെ സ​മീ​പി​ക്കാ​മെ​ന്ന നി​യ​മോ​പ​ദേ​ശം ല​ഭി​ച്ച​തി​നെ​ത്തു​ട​ർ​ന്ന് വൈ​കു​ന്നേ​ര​ത്തോ​ടെ വീട്ടമ്മ സ​മ​രം അ​വ​സാ​നി​പ്പി​ച്ചു.