കോതമംഗലം: തങ്കളം സെന്റ് തോമസ് സണ്ഡേ സ്കൂൾ ഗ്രൗണ്ടിൽ പൗരസ്ത്യ സുവിശേഷ സമാജത്തിന്റെ നേതൃത്വത്തിൽ ആരംഭിച്ച ജനറൽ കണ്വൻഷൻ മർക്കോസ് മാർ ക്രിസോസ്റ്റമോസ് മെത്രാപ്പോലീത്ത ഉദ്ഘാടനം ചെയ്തു. പൗലോസ് പറേക്കര കോറെപ്പിസ്ക്കോപ്പ അധ്യക്ഷത വഹിച്ചു. ബ്രദർ ജോർജ് ചെറിയാൻ വചനപ്രഭാഷണം നടത്തി. ഫാ. വർഗീസ് പടിഞ്ഞാറേക്കര, ഫാ. വറുഗീസ് കുറ്റിപ്പുഴയിൽ, ഫാ. തോമസ് മാളിയേക്കൽ, ഫാ. ജോർജ് വർഗീസ്, ഫാ. ഷിജോ കെ. പോൾ എന്നിവർ പങ്കെടുത്തു.
ഇന്നു വൈകിട്ട് ഏഴിന് ഫാ. ജോസഫ് പരുത്തുവയലിൽ ആമുഖ പ്രഭാഷണം നടത്തും. 7.15 ന് ഫാ. ഷാജി തോമസ് വചനം പ്രസംഗിക്കും. നാളെ വൈകിട്ട് ഏഴിന് ഗീവർഗീസ് കോറെപ്പിസ്ക്കോപ്പ മുളയംക്കോട്ട് ആമുഖപ്രസംഗം നടത്തും. 7.15 ന് മാത്യു ജി. ദാനിയേൽ വചനം പ്രസംഗിക്കും. സമാപനദിവസം ശനിയാഴിച വൈകിട്ട് ഏഴിന് ഫാ. കുര്യാക്കോസ് മാണിയാട്ട് ആമുഖപ്രസംഗം നടത്തും. 7.15 ന് പൗലോസ് പാറേക്കര കോറെപ്പിസ്ക്കോപ്പ വചനം പ്രസംഗിക്കും.
പൗരസ്ത്യ സുവിശേഷ സമാജം ജനറൽ കണ്വൻഷൻ തുടങ്ങി
01:05 AM Nov 15, 2018 | Deepika.com