സുൽത്താൻ ബത്തേരി: ആദ്യകാല സിനിമാഗാനങ്ങളുടെ വിരുന്നൊരുക്കി ഗ്രാമഫോണ് സംഗീത കൂട്ടായ്മ. ബത്തേരി നഗരസഭ ടൗണ്ഹാളിൽ 17ന് വൈകുന്നേരം അഞ്ചിനാണ് സംഗീതവിരുന്ന്. 1980ന് മുന്പുള്ള സിനിമകളുടെ തെരഞ്ഞെടുക്കപ്പെട്ട 30ഓളം ഗാനങ്ങളാണ് ആലപിക്കുക. മൂന്ന് മണിക്കൂർ നീണ്ടുനിൽക്കുന്ന പരിപാടിയിൽ പ്രവേശനം സൗജന്യമാണെന്ന് ഭാരവാഹികൾ അറിയിച്ചു.
ഗ്രാമഫോണിന്റെ വാർഷിക സംഗമത്തോടനുബന്ധിച്ചാണ് സംഗീതവിരുന്ന് സംഘടിപ്പിക്കുന്നതെന്നും ഭാരവാഹികൾ പറഞ്ഞു. വാർത്താസമ്മേളനത്തിൽ പ്രഫ.രാജഗോപാലൻ, ഡോ.സുരാജ്, സുനിൽബാബു എന്നിവർ പങ്കെടുത്തു.
ആദ്യകാല സിനിമകളുടെ സംഗീതവിരുന്ന് 17ന്
12:21 AM Nov 15, 2018 | Deepika.com