ലീഗ്-എസ്ഡിപിഐ സംഘർഷം: 15 പേര്ക്കെതിരെ കേസെടുത്തു
01:50 AM Nov 14, 2018 | Deepika.com
മഞ്ചേശ്വരം: മച്ചംപാടിയില് ലീഗ്-എസ്ഡിപിഐ പ്രവര്ത്തകര് തമ്മിലുണ്ടായ സംഘര്ഷവുമായി ബന്ധപ്പെട്ട് ഇരുവിഭാഗത്തിലുംപെട്ട 15 പേര്ക്കെതിരേ കേസെടുത്തു. എസ്ഡിപിഐ പ്രവര്ത്തകരുടെ പരാതിയില് 10 ലീഗ് പ്രവര്ത്തകര്ക്കെതിരേയും ലീഗ് പ്രവര്ത്തകരുടെ പരാതിയില് അഞ്ച് എസ്ഡിപിഐ പ്രവര്ത്തകര്ക്കെതിരേയുമാണ് മഞ്ചേശ്വരം പോലീസ് കേസെടുത്തത്. കഴിഞ്ഞ ദിവസം രാത്രിയാണ് സംഘർഷം നടന്നത്. മൂന്നോളം വീടുകള് കല്ലെറിഞ്ഞ് തകര്ക്കുകയും ഒരു പിക്കപ്പ് വാന് തകര്ക്കുകയും ചെയ്തിരുന്നു.