തെക്കനോടി വനിതകളിൽ ദേവാസും കന്പിനിയും
10:22 PM Nov 10, 2018 | Deepika.com
ആലപ്പുഴ: നെഹ്റുട്രോഫി വള്ളംകളിയിലെ തെക്കനോടി വനിതാ വിഭാഗം മത്സരങ്ങളിൽ ദേവാസും കന്പിനിയും ജേതാക്കൾ. തെക്കനോടി തറവള്ളം വിഭാഗത്തിലാണ് തത്തംപള്ളി പുത്തൂരാൻ ബോട്ടക്ലബ് തുഴഞ്ഞ ദേവാസ് ഒന്നാമതെത്തിയത്. ജിൻസി സനീഷായിരുന്നു ക്യാപ്റ്റൻ. ജനിത ഷാജിയുടെ നേതൃത്വത്തിൽ വൈക്കത്തുകാരൻ ചിറ പുന്നമട എഫ്ബിസിയുടെ സാരഥി രണ്ടാമതെത്തിയപ്പോൾ ഡി. വാസന്തിയുടെ നേതൃത്വത്തിൽ ചെന്പുപുറം ബോട്ട്ക്ലബ് തുഴഞ്ഞ കാട്ടിൽ തെക്കേതിൽ മൂന്നാമതെത്തി.തെക്കനോടി കെട്ട് വള്ളം വിഭാഗത്തിൽ ഐശ്വര്യ ജെ. അജയൻ നയിച്ച ഐശ്വര്യ ബോട്ട് ക്ലബ്ബാണ് ഒന്നാമതെത്തിയ കന്പിനിയിൽ തുഴഞ്ഞത്. ഷാനിമോൾ ഷാജി നേതൃത്വം കൊടുത്ത ആലപ്പുഴ എൻടി വാർഡ് വലിയ വീട്ടിൽ ബ്രദേഴ്സ് ബോട്ട്ക്ലബ്ബിന്റെ ചെല്ലിക്കാടൻ രണ്ടാമതും കെ.കെ. സുധർമ നയിച്ച കൈനകരി യുവദീപ്തി വനിതാ ബോട്ട്ക്ലബ്ബിന്റെ കാട്ടിൽ തെക്കതിൽ മൂന്നാമതുമായി.