കായംകുളം: കായംകുളം കേന്ദ്രമാക്കി കേരള വാട്ടർ അഥോറിറ്റിയുടെ ഡിവിഷൻ ഓഫീസ് അനുവദിച്ച് ഉത്തരവായതായി യു. പ്രതിഭ എംഎൽഎ അറിയിച്ചു. നാലു ലക്ഷത്തിൽപരം കുടിവെളള കണക്ഷനുകളുള്ള ആലപ്പുഴ വാട്ടർ അഥോറിറ്റിയുടെ ഡിവിഷൻ ഓഫീസ് വിഭജിച്ച് തിരുവല്ല ഡിവിഷന്റെ കീഴിലുള്ള എടത്വ സബ് ഡിവിഷനും മാവേലിക്കര, കായംകുളം സബ് ഡിവിഷൻ ഓഫീസുകളും കൂട്ടിച്ചേർത്താണ് പുതിയ ഡിവിഷൻ രൂപീകരിച്ചിട്ടുള്ളത്. കായംകുളത്ത് വാട്ടർ അഥോറിറ്റിക്ക് ഇതിനായി മതിയായ സ്ഥലസൗകര്യങ്ങളുണ്ട്.
ജില്ലയിൽ ഒരു ഡിവിഷൻ അപര്യാപ്തമാണെന്നും കായംകുളം കേന്ദ്രമാക്കി പുതിയ ഒരു ഡിവിഷൻ രൂപീകരിക്കണമെന്നും ആവശ്യപ്പെട്ട് യു. പ്രതിഭ എംഎൽഎ സർക്കാറിൽ നിരന്തരം സമ്മർദം ചെലുത്തിയതിനെത്തുടർന്നാണ് പുതിയ ഡിവിഷൻ അനുവദിച്ചത്.
എക്സി. എൻജിനിയർ (ഒന്ന്), ടെക്നിക്കൽ അസി. (ഒന്ന്), ഡിവിഷണൽ അക്കാണ്ട്സ് ഓഫീസർ (ഒന്ന്), ജൂണിയർ സൂപ്രണ്ട് (ഒന്ന്), ക്ലർക്ക് (നാല്), ഡ്രാഫ്റ്റ്സ്മാൻ ഗേഡ് I (മൂന്ന്), ടൈപ്പിസ്റ്റ് (ഒന്ന്), ഓഫീസ് അറ്റന്റന്റ് (രണ്ട്), ഡ്രൈവർ (ഒന്ന്), പാർട്ട് ടൈം സ്വീപ്പർ (ഒന്ന്) വീതം ജീവനക്കാരെയും പുതിയ ഡിവിഷനിലേക്ക് അനുവദിച്ചിട്ടുണ്ട്. കായംകുളം മണ്ഡലത്തിന് പ്രത്യേക പരിഗണന നൽകി പുതിയ ഡിവിഷൻ ഓഫീസ് അനുവദിച്ചതിന് മുഖ്യമന്ത്രിക്കും ജലവിഭവ വകുപ്പ് മന്ത്രി റോഷി അഗസ്റ്റിനും എംഎൽഎ പ്രത്യേകം നന്ദി അറിയിച്ചു.
ജില്ലയിൽ ഒരു ഡിവിഷൻ അപര്യാപ്തമാണെന്നും കായംകുളം കേന്ദ്രമാക്കി പുതിയ ഒരു ഡിവിഷൻ രൂപീകരിക്കണമെന്നും ആവശ്യപ്പെട്ട് യു. പ്രതിഭ എംഎൽഎ സർക്കാറിൽ നിരന്തരം സമ്മർദം ചെലുത്തിയതിനെത്തുടർന്നാണ് പുതിയ ഡിവിഷൻ അനുവദിച്ചത്.
എക്സി. എൻജിനിയർ (ഒന്ന്), ടെക്നിക്കൽ അസി. (ഒന്ന്), ഡിവിഷണൽ അക്കാണ്ട്സ് ഓഫീസർ (ഒന്ന്), ജൂണിയർ സൂപ്രണ്ട് (ഒന്ന്), ക്ലർക്ക് (നാല്), ഡ്രാഫ്റ്റ്സ്മാൻ ഗേഡ് I (മൂന്ന്), ടൈപ്പിസ്റ്റ് (ഒന്ന്), ഓഫീസ് അറ്റന്റന്റ് (രണ്ട്), ഡ്രൈവർ (ഒന്ന്), പാർട്ട് ടൈം സ്വീപ്പർ (ഒന്ന്) വീതം ജീവനക്കാരെയും പുതിയ ഡിവിഷനിലേക്ക് അനുവദിച്ചിട്ടുണ്ട്. കായംകുളം മണ്ഡലത്തിന് പ്രത്യേക പരിഗണന നൽകി പുതിയ ഡിവിഷൻ ഓഫീസ് അനുവദിച്ചതിന് മുഖ്യമന്ത്രിക്കും ജലവിഭവ വകുപ്പ് മന്ത്രി റോഷി അഗസ്റ്റിനും എംഎൽഎ പ്രത്യേകം നന്ദി അറിയിച്ചു.