വീടുകൾ കേന്ദ്രീകരിച്ച് മോഷണം; പ്രധാന പ്രതി പിടിയിൽ
10:10 PM Nov 10, 2018 | Deepika.com
അടിമാലി: വീടുകൾ കേന്ദ്രീകരിച്ച് മോഷണം നടത്തിയ സംഘത്തിലെ പ്രധാന പ്രതി അറസ്റ്റിൽ. പ്ലാമല പീച്ചാട് ആലുങ്കൽ ഗോകുൽ (ഉണ്ണി-23) ആണ് പടിയിലായത്. ഓഗസ്റ്റ് 26ന് കുളങ്ങര ജോസഫിന്റെ വീടിന്റെ പിൻഭാഗത്തെ കതക് പൊളിച്ച് അക ത്തുകയറി മൂന്നു പവൻ സ്വർണവും 9,000 രൂപയും മൊബൈൽ ഫോണും മോഷ്ടിച്ചിരുന്നു. ജോസഫും കുടുംബാംഗങ്ങളും സമീപത്ത് വിവാഹവീട്ടിൽ പോയിരുന്ന സമയത്തായിരുന്നു മോഷണം. പിന്നീട് സമീപത്തെ വീട്ടിൽ കയറിയെങ്കിലും പണം ലഭിച്ചില്ല. തുടർന്ന് എടിഎം കാർഡ്, ബിരുദ സർട്ടിഫിക്കറ്റുകൾ തുടങ്ങിയവ മോഷ്ടിച്ച് കടന്നു കളയുകയായിരുന്നു. സംഘത്തിലെ മൂന്നു പേരെ കൂടി ഇനിയും കണ്ടെത്താനുണ്ട്. എസ്ഐജോണ്സൺന്റെ നേതത്വത്തിലുള്ള സംഘം അടിമാലിയിൽ നിന്നാണ് ഗോകുലിനെ പിടികൂടിയത്. പ്രതിയെ ഇടുക്കി കോടതിയിൽ ഹാജരാക്കി.