ടൗ​ൺ റിം​ഗ് റോ​ഡ്: ആ​ദ്യ​ഭാ​ഗം ടാ​റിം​ഗ് നാളെ മു​ത​ൽ

പാ​ലാ: ടൗ​ണ്‍ റിം​ഗ് റോ​ഡി​ന്‍റെ ആ​ദ്യ​ഭാ​ഗം ടാ​റിം​ഗ് 12 ന് ​ആ​രം​ഭി​ക്കും. ക​ട​പ്പാ​ട്ടൂ​ർ മു​ത​ൽ ക​ത്തീ​ഡ്ര​ൽ-​മു​ത്തോ​ലി റോ​ഡു വ​രെ​യു​ള്ള ഒ​രു കി​ലോ​മീ​റ്റ​ർ ഭാ​ഗ​മാ​ണ് ആ​ദ്യ​ഘ​ട്ട​ത്തി​ൽ ആ​ധു​നി​ക നി​ല​വാ​ര​ത്തി​ൽ ടാ​ർ ചെ​യ്യു​ന്ന​ത്. ക​ത്തീ​ഡ്ര​ൽ-​മു​ത്തോ​ലി റോ​ഡു മു​ത​ൽ പ​ന്ത്ര​ണ്ടാം​മൈ​ൽ വ​രെ​യു​ള്ള റോ​ഡി​ന്‍റെ നി​ർ​മാ​ണം ധൃ​ത​ഗ​തി​യി​ൽ പൂ​ർ​ത്തി​യാ​യി​വ​രിക​യാ​ണ്. ശ​ബ​രി​മ​ല തീ​ർ​ഥാ​ട​നം 17 ന് ​ആ​രം​ഭി​ക്കു​ന്ന​തി​നു മു​ൻ​പാ​യി ആ​ദ്യ​ഭാ​ഗം ടാ​റിം​ഗ് പൂർത്തി​യാ​ക്കാ​നാ​ണ് പൊ​തു​മ​രാ​മ​ത്ത് അ​ധി​കൃ​ത​രു​ടെ ശ്ര​മം.

ക​ട​പ്പാ​ട്ടൂ​ർ ഇ​ട​ത്താ​വ​ള​ത്തി​ലേ​ക്കു​ള്ള സൗ​ക​ര്യം വ​ർ​ധി​പ്പി​ക്കു​ന്ന​താ​ണ് ടൗ​ണ്‍ റിം​ഗ് റോ​ഡ് പ​ദ്ധ​തി. ക​ട​പ്പാ​ട്ടൂ​ർ മു​ത​ൽ പ​ന്ത്ര​ണ്ടാം​മൈ​ൽ വ​രെ 2.320 കി​ലോ​മീ​റ്റ​ർ റോ​ഡ് ഏ​ഴ​ര​മീ​റ്റ​ർ വീ​തി​യി​ലാ​ണ് നി​ർ​മി​ക്കു​ന്ന​ത്. പ​ത്തു കോ​ടി​യോ​ളം രൂ​പ​യാ​ണ് റോ​ഡ് നി​ർ​മാ​ണ​ത്തി​നാ​യി വ​ക​യി​രു​ത്തി​യി​ട്ടു​ള്ള​ത്. റോ​ഡ് നി​ർ​മാ​ണ​ത്തി​നാ​വ​ശ്യ​മാ​യ മ​ണ്ണെ​ടു​ക്കു​ന്ന​തു സം​ബ​ന്ധി​ച്ച വി​വാ​ദ​ങ്ങ​ൾ മൂ​ല​മാ​ണ് റോ​ഡ് പൂ​ർ​ത്തി​യാ​കാ​ൻ കാ​ല​താ​മ​സം നേ​രി​ട്ട​ത്. ക​ത്തീ​ഡ്ര​ൽ- മു​ത്തോ​ലി റോ​ഡു മു​ത​ൽ പ​ന്ത്ര​ണ്ടാം​മൈ​ൽ വ​രെ​യു​ള്ള റോ​ഡി​ന്‍റെ സം​ര​ക്ഷ​ണ​ഭി​ത്തി നി​ർ​മാ​ണ​വും മ​ണ്ണി​ട്ട് ഉ​യ​ർ​ത്തു​ന്ന​ത് ഉ​ൾ​പ്പെടെ​യു​ള്ള ജോ​ലി​ക​ളും പൂ​ർ​ത്തി​യാ​യി വ​രി​ക​യാ​ണ്.

ഏ​റ്റു​മാ​നൂ​ർ-​പാ​ലാ സം​സ്ഥാ​ന​പാ​ത​യി​ൽ ക​ട​പ്പാ​ട്ടൂ​രി​ൽ നി​ന്ന് മീ​ന​ച്ചി​ലാ​ർ ക​ട​ന്ന് പൊ​ൻ​കു​ന്നം റോ​ഡി​ലെ പ​ന്ത്ര​ണ്ടാം​മൈ​ലി​ലേ​ക്ക് ചു​രു​ങ്ങി​യ ദൂ​ര​ത്തി​ൽ സു​ഗ​മ​മാ​യ​പാ​ത തു​റ​ക്കു​ന്ന​താ​ണ് ടൗ​ണ്‍​റിം​ഗ് റോ​ഡി​ന്‍റെ പ്ര​ഥ​മ​ഘ​ട്ടം. മ​ണ്ഡ​ല​കാ​ല​ത്ത് ക​ട​പ്പാ​ട്ടൂ​രി​ലെ​ത്തു​ന്ന വാ​ഹ​ന​ങ്ങ​ൾ​ക്ക് പാ​ലാ ന​ഗ​ര​ത്തി​ൽ പ്ര​വേ​ശി​ക്കാ​തെ പൊ​ൻ​കു​ന്നം റോ​ഡി​ലെ​ത്താം.

ശ​ബ​രി​മ​ല തീ​ർ​ഥാ​ട​ക​ർ​ക്ക് മാ​ത്ര​മ​ല്ല കോ​ട്ട​യം ഭാ​ഗ​ത്തു നി​ന്നു​ള്ള വാ​ഹ​ന​ങ്ങ​ൾ​ക്കും ടൗ​ണി​ലെ ഗ​താ​ഗ​ത​ത്തി​ര​ക്കി​ൽ ഉ​ൾ​പ്പെ​ടാ​തെ പൊ​ൻ​കു​ന്നം ഭാ​ഗ​ത്തേ​ക്ക് ഇ​തു​വ​ഴി പോ​കാം. ക​ട​പ്പാ​ട്ടൂ​ർ മു​ത​ൽ ക​ത്തീ​ഡ്ര​ൽ -മു​ത്തോ​ലി റോ​ഡു​വ​രെ​യു​ള്ള ഭാ​ഗം ടാ​ർ ചെ​യ്യു​ന്ന​തോ​ടെ എ​ല്ലാ​വാ​ഹ​ന​ങ്ങ​ൾ​ക്കും ഇ​തു​വ​ഴി പൊ​ൻ​കു​ന്നം റോ​ഡി​ലേ​ക്കും പാ​ലാ-​കൊ​ടു​ങ്ങൂ​ർ റോ​ഡി​ലേ​ക്കും പ്ര​വേ​ശിക്കാം.