കടനാട്: കോണ്ഗ്രസ് അംഗത്തിന്റെ പിന്തുണയോടെ ഇടതുപക്ഷം ഭരണം പിടിച്ച കടനാട് പഞ്ചായത്തില് കേരള കോണ്ഗ്രസ്-എം അംഗമായ വൈസ് പ്രസിഡന്റിനെതിരെയും അവിശ്വാസപ്രമേയം. പ്രസിഡന്റുസ്ഥാനം പിടിച്ചെടുത്ത ഇടതുപക്ഷമാണ് അവിശ്വാസത്തിന് നോട്ടീസ് നല്കിയിരിക്കുന്നത്. മൂന്നാം വാര്ഡംഗം ട്രീസമ്മ തോമസാണു നിലവില് വൈസ് പ്രസിഡന്റ്.
കഴിഞ്ഞ ദിവസമാണ് ഇടതുപക്ഷ അംഗമായ ജയ്സണ് പുത്തന്കണ്ടം പ്രസിഡന്റായി തെരഞ്ഞെടുക്കപ്പെട്ടത്. കൂറുമാറിയ കോണ്ഗ്രസ് അംഗം ഉള്പ്പെടെ ഇടത് മുന്നണിക്ക് എട്ടംഗങ്ങളും യുഡിഎഫിന് ആറംഗങ്ങളുമാണുള്ളത്. ഒരുമാസം മുമ്പ് ഇടതുപക്ഷം അവതരിപ്പിച്ച അവിശ്വാസ പ്രമേയത്തെ കോണ്ഗ്രസ് അംഗം റെജിമോന് കരിമ്പാനി പിന്തുണച്ചതോടെയാണ് കടനാട്ടില് ഭരണമാറ്റത്തിന് കളമൊരുങ്ങിയത്. അധികാരമേറ്റതിന് തൊട്ടുപിന്നാലെ വൈസ് പ്രസിഡന്റിനെതിരെ അവിശ്വാസത്തിന് നോട്ടീസ് നല്കുകയായിരുന്നു.
കടനാട്ടില് വൈസ് പ്രസിഡന്റിന് എതിരെയും അവിശ്വാസം
09:53 PM Nov 08, 2018 | Deepika.com