കടുത്തുരുത്തി: പാഴുത്തുരുത്ത് സെന്റ് കുര്യാക്കോസ് സ്കൂളും ജപ്പാൻ ഷോട്ടോക്കാൻ കരാട്ടെ അസോസിയേഷൻ ഇന്ത്യയും ചേർന്ന് നടത്തുന്ന ഇൻഡോ-ശ്രീലങ്കൻ കരാട്ടേ ചാന്പ്യൻഷിപ്പ് 10, 11 തീയതികളിൽ നടക്കും. എസ്കെപിഎസ് സ്കൂളിലാണ് ടൂർണമെന്റ് സംഘടിപ്പിച്ചിരിക്കുന്നത്. ശ്രീലങ്കയിൽ നിന്നുള്ള മത്സരാർഥികൾക്കു പുറമെ കേരളം, തമിഴ്നാട്, കർണാടക എന്നിവടങ്ങളിൽനിന്നായി ആയിരത്തോളം പേർ പങ്കെടുക്കും. ശ്രീലങ്കൻ കരാട്ടെ ഫെഡറേഷൻ പ്രസിഡന്റ് എച്ച്.എസ്. ശിശിരകുമാര മുഖ്യാതിഥിയായിരിക്കും.
വിദ്യാർഥികൾ, പുരുഷൻമാർ, വനിതകൾ എന്നിവർക്ക് വേർതിരിച്ചാണ് മത്സരങ്ങൾ നടക്കുന്നത്. ബിലോ ബ്രൗണ്ബെൽറ്റ്, ബ്രൗണ്ബെൽറ്റ്, ബ്ലാക്ക്ബെൽറ്റ് വിഭാഗങ്ങളിലായി 250 ഓളം മത്സരങ്ങളാണ് നടക്കുന്നത്. കത്താ മത്സരങ്ങൾ പ്രായാടിസ്ഥാനത്തിലും കുമിത്തേ മത്സരങ്ങൾ പ്രായാടിസ്ഥാനത്തിൽ ഭാരക്രമത്തിലുമാണ് നടത്തുന്നതെന്ന് സംഘാടകർ അറിയിച്ചു. മാസ്റ്റേഴ്സിന്റെ കത്താ മത്സരങ്ങളും ഇൻഡ്യയിലും വിദേശത്തുള്ള പ്രശസ്തരായ കരാട്ടെ വിദഗ്ധർ നേതൃത്വം കൊടുക്കുന്ന കരാട്ടേ സ്റ്റേജ് പ്രദർശനവും ടൂർണമെന്റിന്റെ പ്രത്യേകതയാണ്. രജിസ്ട്രേഷനും കൂടുതൽ വിവരങ്ങൾക്കും 9496129997 എന്ന നന്പരിൽ ബന്ധപ്പെടുക.
ഇൻഡോ-ശ്രീലങ്കൻ കരാട്ടെ ചാന്പ്യൻഷിപ്പ് എസ്കെപിഎസിൽ
10:54 PM Nov 05, 2018 | Deepika.com