ശ്രീകൃഷ്ണപുരം: മേളകളും,കലോൽസവങ്ങളും നടക്കുന്ന സമയത്ത് ചെർപ്പുളശ്ശേരി ഉപജില്ലയിൽ നാഥനില്ലാത്ത അവസ്ഥയാണെന്നും ഉടനെ ഉപജില്ലാ വിദ്യാഭ്യാസ ഓഫീസറെ നിയമിക്കണമെന്നും കെ പി എസ് ടി എ ചെർപ്പുളശ്ശേരി ഉപജില്ലാക്കമ്മറ്റി ആവശ്യപ്പെട്ടു. കെ.രാമദാസന്റെ അദ്ധ്യക്ഷതയിൽ ചേർന്ന യോഗത്തിൽ വി.ഉണ്ണികൃഷ്ണൻ, കെ.ആർ. സുജേഷ്, പി.ജി.ദേവരാജ്, പി.എം.ശ്രീകാന്ത്, എം.സജിത്ത്കുമാർ, കെ.സി.മുരളീധരൻ, വി.കെ.രാജകൃഷ്ണൻ, എം.വി.നാരായണൻകുട്ടി ,അൻവർ സാദത്ത്, ബിനീഷ് രാജ് എന്നിവർ സംസാരിച്ചു.
ശിശുദിന ചിത്രരചനാമത്സരം 14ന്
പാലക്കാട്: ജെസിഐ പാലക്കാട് ജില്ലാതല ശിശുദിന ചിത്രരചനാമത്സരം 14ന്. തുടർച്ചയായി ഇരുപത്തിയാറാമത് വർഷവും ജില്ലാ ടൂറിസം പ്രമോഷൻ കൗണ്സിലുമായി സഹകരിച്ചു ജെസിഐ പാലക്കാട് സംഘടിപ്പിക്കുന്ന ശിശുദിന ചിത്രരചനാമത്സരം 14ന് കോട്ടമൈതാനത്തിനു സമീപത്തെ വാടികയിൽ നടക്കും.
ജില്ലയിലെ കിൻറർഗാർട്ടൻ, ലോവർ പ്രൈമറി, അപ്പർ പ്രൈമറി, ഹൈസ്കൂൾ എന്നിങ്ങനെ നാലു വിഭാഗങ്ങളിലാണ് മത്സരം.
പങ്കെടുക്കാൻ ആഗ്രഹിക്കുന്നവർ 14ന് രാവിലെ ഒന്പതിന് വാടികയിലെത്തണം. അഡ്വാൻസ് രജിസ്ട്രേഷനും കൂടുതൽ വിവരങ്ങൾക്കും 9995 484 636, 9037 821 877, 9747 887 799 എന്നീ നന്പറുകളിൽ ബന്ധപ്പെടണം.
വിദ്യാഭ്യാസ ഓഫീസറെ നിയമിക്കണം
10:46 PM Nov 05, 2018 | Deepika.com