മങ്കൊന്പ്: ന്യൂഡൽഹി കേന്ദ്രമായി പ്രവർത്തിക്കുന്ന ക്രിസ്ത്യൻ സംഘടനയായ എഫി കോറിന്റെ ആഭിമുഖ്യത്തിൽ നീലംപേരൂർ ഗ്രാമപഞ്ചായത്തിലെ 10, 11, 12, 13 വാർഡുകളിൽ അവശ്യസാധനങ്ങളടങ്ങിയ ദുരിതാശ്വാസ കിറ്റുകൾ വിതരണം ചെയ്തു. എഫികോർ കോ-ഓർഡിനേറ്റർ പ്രമോദ് പാൽ വിതരണോദ്ഘാടനം നിർവഹിച്ചു.
മേഖലാ കണ്വൻഷൻ
ചേർത്തല: കർഷകത്തൊഴിലാളി യൂണിയൻ പള്ളിപ്പുറം വടക്ക് മേഖലാ കമ്മിറ്റിയുടെ മേഖലാ കണ്വൻഷനും തൊഴിൽസേനാ രൂപീകരണവും നടത്തി. കെ.എൻ. പങ്കജാക്ഷൻ അധ്യക്ഷത വഹിച്ചു. പി.എൻ. രവീന്ദ്രൻ, എം.കെ. സിബു, സി.എൻ. ലെനിൻ, എം.വി. മണിക്കുട്ടൻ, കെ.കെ. രമേശൻ എന്നിവർ പ്രസംഗിച്ചു.
അധ്യാപക ഒഴിവ്
ചെങ്ങന്നൂർ: ഗവ. ഐടിഐയിൽ മെക്കാനിക്ക് ട്രാക്ടർ ഇമെക്ക് എന്നീ ഇൻസ്ട്രക്ടർമാരുടെ താല്കാലിക ഒഴിവിൽ ഒന്പതിനു രാവിലെ 11ന് കൂടിക്കാഴ്ച നടത്തും. ബന്ധപ്പെട്ട ട്രേഡിൽ ഐടിഐ സർട്ടിഫിക്കറ്റുകൾ നേടിയവർക്കും മെക്കാനിക്കൽ എൻജിനീയറിംഗിൽ ഡിപ്ലോമയോ ഡിഗ്രിയോ നേടിയ ഉദ്യോഗാർഥികൾക്കും കൂടിക്കാഴ്ചയിൽ പങ്കെടുക്കാം. മുൻപരിചയം അഭികാമ്യം. താല്പര്യമുള്ളവർ അസൽ സർട്ടിഫിക്കറ്റുകളുമായി ഓഫീസിൽ ഹാജരാകണം. ഫോണ്: 0479 2452210.
കിറ്റുകൾ വിതരണം ചെയ്തു
10:19 PM Nov 05, 2018 | Deepika.com