പാലം ഉദ്ഘാടനം ഇന്ന്
10:19 PM Nov 05, 2018 | Deepika.com
ഹരിപ്പാട്: കരുവാറ്റ ഗ്രാമപഞ്ചായത്തിൽ നബാർഡ് പദ്ധതിയിൽ ഉൾപ്പെടുത്തി കൊപ്പാറക്കടവിൽ നിർമിച്ച പാലം ഇന്ന് രാവിലെ 10.30ന് ഫിഷറീസ് മന്ത്രി ജെ. മേഴ്സിക്കുട്ടിയമ്മ ഉദ്ഘാടനം ചെയ്യും. സംസ്ഥാന ഹാർബർ എൻജിനീയറിംഗ് വകുപ്പിന്റെ മേൽനോട്ടത്തിൽ എഴു കോടി എണ്പത് ലക്ഷം രൂപ ചെലവഴിച്ചാണ് പാലം നിർമിച്ചത്. കരുവാറ്റ ചെറുതന ഗ്രാമപഞ്ചായത്തുകളെ തമ്മിൽ ബന്ധിപ്പിക്കുന്ന പാലം ഉദ്ഘാടനം ചെയ്യുന്നതോടെ ചെറുതന, പള്ളിപ്പാട്, വീയപുരം, മാന്നാർ എന്നീ പ്രദേശങ്ങളിൽലുള്ളവർക്ക് നാഷണൽ ഹൈവേയിൽ പ്രവേശിക്കാനുള്ള ഏറ്റവും എളുപ്പ മാർഗം കൂടിയാകും. യോഗത്തിൽ പ്രതിപക്ഷ നേതാവ് രമേശ് ചെന്നിത്തല അധ്യക്ഷത വഹിക്കും. കെ.സി. വേണുഗോപാൽ എംപി, മുൻ എംഎൽഎമാർ, ജനപ്രതിനിധികൾ എന്നിവർ പങ്കെടുക്കും.