ഡോക്ടർ എത്തിയില്ല; പ്രതിഷേധവുമായി ആശുപത്രി ഗേറ്റിനു മുന്നിൽ രോഗി
10:09 PM Nov 05, 2018 | Deepika.com
രാജാക്കാട്: ഡോക്ടറെത്താത്തതിനാൽ ആശുപത്രിയുടെ ഗേറ്റടച്ച്് രോഗി പ്രതിഷേധിച്ചു. രാജാക്കാട് സ്വദേശിയും ആശുപത്രിയിലെ മുൻ ജീവനക്കാരനുമായ സി.കെ. വിജയനാണ് ഒറ്റയാൾ പ്രതിഷേധവുമായി രംഗത്തെത്തിയത്. പ്രതിഷേധത്തിന് രോഗികളും പിന്തുണയുമായി എത്തിപ്പോൾ രാജാക്കാട് പോലീസ് സ്ഥലത്തെത്തി ഇയാളെ അറസ്റ്റ് ചെയ്ത് നീക്കുകയായിരുന്നു. നാലു ഡോക്ടർമാരുള്ള ആശുപത്രിയിൽ രാവിലെ പത്തുകഴിഞ്ഞിട്ടും ഒരു ഡോക്ടർപോലും എത്തിയിരുന്നില്ല. നൂറിലധികം വരുന്ന രോഗികളാണ് രാവിലെ മുതൽ ചികിത്സ തേടി ഇവിടെ കാത്തുനിന്നത്. നിലവിൽ ബ്ലോക്ക് പഞ്ചായത്തിന്റെ കീഴിലാണ് ആശുപത്രി പ്രവർത്തിക്കുന്നത്.