തൊടുപുഴ: ഉപയോക്കൾക്ക് മികച്ച വേഗതയിൽ ഡേറ്റ സേവനം ലഭ്യമാക്കുക എന്ന ലക്ഷ്യത്തോടെ ബിഎസ്എൻഎൽ 4ജി മൊബൈൽ സേവനം ഇടുക്കി ജില്ലയിലെ കൂടുതൽ പ്രദേശങ്ങളിലേക്ക് വ്യാപിപ്പിച്ചു.
പുതിയ പ്രദേശങ്ങളിലെ 4ജി സേവനത്തിന്റെ ഉദ്ഘാടനം ജോയ്സ് ജോർജ് എംപി നിർവഹിച്ചു. ബിഎസ്എൻഎൽ കേരള സർക്കിൾ ചീഫ് ജനറൽ മാനേജർ ഡോ പി.ടി. മാത്യു അധ്യക്ഷത വഹിച്ചു. മുനിസിപ്പൽ ചെയർപേഴ്സണ് മിനി മധു, ബിഎസ്എൻഎൽ എറണാകുളം ബിസിനസ് മേഖല പ്രിൻസിപ്പൽ ജനറൽ മാനേജർ ഡോ.കെ. ഫ്രാൻസിസ് ജേക്കബ്, കേരള സർക്കിൾ മൊബൈൽ സർവീസ് ജനറൽ മാനേജർ സതീഷ് റാം എന്നിവർ പ്രസംഗിച്ചു. നിലവിലുള്ള ആറു ടവറുകൾ കൂടാതെ തൊടുപുഴ, ഇടുക്കി, കട്ടപ്പന, നെടുങ്കണ്ടം തുടങ്ങിയ മേഖലകളിലായി 118 ടവറുകളിലാണ് 4ജി സംവിധാനം നടപ്പാക്കാൻ ലക്ഷ്യമിടുന്നത്. തൊടുപുഴ മേഖലയിൽ ഇതിനോടകം 47 ടവറുകൾ 4 ജി യിലേക്ക് മാറി.
4ജി സേവനം ഉദ്ഘാടനം ചെയ്തു
10:07 PM Nov 05, 2018 | Deepika.com