കിഴപറയാർ: കിഴപറയാർ പള്ളിയിൽ വിശുദ്ധ ഗ്രിഗോറിയോസിന്റെ തിരുനാൾ 16 മുതൽ 19 വരെ ആഘോഷിക്കും. തിരുനാളിനൊരുക്കമായുള്ള നൊവേന നാളെ മുതൽ ആരംഭിക്കും. നാളെ മുതൽ 15 വരെ ദിവസങ്ങളിൽ രാവിലെ 6.30 നു വിശുദ്ധ കുർബാന, നൊവേന, വൈകുന്നേരം അഞ്ചിനു വിശുദ്ധ കുർബാന, പ്രസംഗം, നൊവേന. 11 നു രാവിലെ 6.45 നും 9.30 നും വിശുദ്ധ കുർബാന, പ്രസംഗം, നൊവേന.
16 നു വൈകുന്നേരം 4.30 നു കൊടിയേറ്റ്. 4.45 നു വിശുദ്ധ കുർബാന (മലങ്കര റീത്തിൽ) - ഫാ. മാർട്ടിൻ മാന്നാത്ത് കപ്പൂച്ചിൻ. 6.30 നു വാഹന വെഞ്ചരിപ്പ്, 6.45 ന് സ്നേഹവിരുന്ന്, ഏഴിന് ഇടവകദിനം - കലാസന്ധ്യ. 17 ന് ഉച്ചകഴിഞ്ഞു മൂന്നിനു തിരുസ്വരൂപ പ്രതിഷ്ഠ. വൈകുന്നേരം അഞ്ചിനു വിശുദ്ധ കുർബാന - ഫാ. ജോസ് കോയിക്കൽ എസ്ഡിബി. 6.30 നു മെഴുകുതിരി പ്രദക്ഷിണം. തിരുനാൾ സന്ദേശം - ഫാ. ജോസ് കോയിക്കൽ. 18 നു രാവിലെ 6.45 നു വിശുദ്ധ കുർബാന - ഫാ. ടോം ഉഴുന്നാലിൽ എസ്ഡിബി. 9.45 നു തിരുനാൾ റാസ, സന്ദേശം - ഫാ. കുര്യാക്കോസ് മൂഞ്ഞേലി എംസിബിഎസ്. 12 നു പ്രദക്ഷിണം. വൈകുന്നേരം ഏഴിനു നാടകം - സ്നേഹമേഘത്തുണ്ട്. 19 നു രാവിലെ 6.30 നു വിശുദ്ധ കുർബാന, സെമിത്തേരി സന്ദർശനം.
ദേശീയ ആയുർവേദ ദിനാചരണം
മരങ്ങാട്ടുപിള്ളി: മരങ്ങാട്ടുപിള്ളി ഗ്രാമപഞ്ചായത്തിന്റെയും ഗവ. ആയുർവേദ ഡിസ്പൻസറിയുടെയും ആഭിമുഖ്യത്തിൽ ഇല്ലിക്കൽ അങ്കണവാടിയിൽ ദേശീയ ആയുർവേദ ദിനാചരണം നടത്തി. ഗ്രാമപഞ്ചായത്ത് പ്രസിഡന്റ് ആൻസമ്മ സാബു അധ്യക്ഷത വഹിച്ച യോഗത്തിൽ ബ്ലോക്ക് മെംബർ നിർമല ദിവാകരൻ ഉദ്ഘാടനം നിർവഹിച്ചു. ആയുർവേദ മെഡിക്കൽ ഓഫീസർ ഡോ. പ്രീതി ജി. നായരുടെ നേതൃത്വത്തിൽ ബോധവത്കരണ ക്ലാസും പ്രതിരോധമരുന്ന് വിതരണവും നടത്തി.
കിഴപറയാർ പള്ളിയിൽ തിരുനാൾ
09:59 PM Nov 05, 2018 | Deepika.com