പാലാ: ദളിത് കത്തോലിക്ക മഹാജനസഭ പാലാ രൂപതാകമ്മിറ്റിയുടെ ആഭിമുഖ്യത്തിൽ മൈൻഡ്സ് കോച്ചിംഗ് അക്കാഡമിയുടെ നേതൃത്വത്തിൽ രൂപതയിലെ ദളിത് കത്തോലിക്ക കുട്ടികൾക്കു നൽകുന്ന സിവിൽ സർവീസ് കോച്ചിംഗ് ക്ലാസിന്റെ (ഫ്യൂച്ചർ സ്റ്റാർസ്) ഉദ്ഘാടനവും മാതാപിതാക്കൾക്കു വേണ്ടിയുള്ള സെമിനാറും ഇന്ന് പാലാ സെന്റ് തോമസ് ഹൈസ്കൂളിൽ നടക്കും. ഉച്ചകഴിഞ്ഞ് 1.30 നു മാതാപിതാക്കളുടെ സെമിനാറിൽ മൈൻഡ്സ് കോച്ചിംഗ് അക്കാഡമി ഡയറക്ടർ ജോർജ് കരുണയ്ക്കൽ, എസ്ഡിവിഎസ് എക്സിക്യൂട്ടീവ് മെംബർ പ്രഫ. സാബു ഡി. മാത്യു എന്നിവർ ക്ലാസ് നയിക്കും.
ഉച്ചകഴിഞ്ഞു മൂന്നിനു ഡിസിഎംഎസ് രൂപത ഡയറക്ടർ ഫാ. ജോസ് വടക്കേക്കുറ്റിന്റെ അധ്യക്ഷതയിൽ ചേരുന്ന സമ്മേളനത്തിൽ സിവിൽ സർവീസ് കോച്ചിംഗിന്റെ ഉദ്ഘാടനം രൂപതാധ്യക്ഷൻ മാർ ജോസഫ് കല്ലറങ്ങാട്ട് നിർവഹിക്കും. പിഎസ്സി മെംബർ പ്രഫ. ലോപ്പസ് മാത്യു മുഖ്യപ്രഭാഷണം നടത്തും. രൂപത കോർപറേറ്റ് സെക്രട്ടറി ഫാ. ബെർക്കുമാൻസ് കുന്നുംപുറം, പാലാ സെന്റ് തോമസ് ഹൈസ്കൂൾ ഹെഡ്മാസ്റ്റർ സോയി മാത്യു, സിവിൽ സർവീസ് അക്കാഡമി പ്രിൻസിപ്പൽ ഡോ. ജോസഫ് വെട്ടിക്കൽ, മൈൻഡ്സ് അക്കാഡമി ഡയറക്ടർ ജോർജ് കരുണയ്ക്കൽ, ഡിസിഎംഎസ് രൂപത പ്രസിഡന്റ് ജസ്റ്റിൻ മാത്യു, സംസ്ഥാന-രൂപത വൈസ് പ്രസിഡന്റ് സെലിൻ ജോസഫ്, രൂപത സെക്രട്ടറി ജോണി പരമല, ഓർഗനൈസർ പി.ഒ. പീറ്റർ, സിവിൽ സർവീസ് കോച്ചിംഗ് സംഘാടകസമിതി കൺവീനർ ജോയി മാത്യു, രൂപത ജോയിന്റ് സെക്രട്ടറി ബിജി സാലസ്, സംഘാടകസമിതി കൺവീനർ ബിന്ദു ബിജു എന്നിവർ പ്രസംഗിക്കും. രാവിലെ ഒന്പതു മുതൽ മൂന്നു വരെ കുട്ടികൾക്ക് കോച്ചിംഗ് ക്ലാസും ഉണ്ടായിരിക്കും.
ട്രെയിനിംഗ് സംഘാടകസമിതി കൺവീനർ സന്ദീപ്, ജോയിന്റ് കൺവീനർമാരായ ദിനേശ് മുയറ്റിൽ, ഗീതമ്മ ജോയി, ബീന ബിനോ, റാണി പോൾ, കെ.സി. മോളി, ബിജി ജോസഫ് ഏറത്ത് എന്നിവർ പരിപാടികൾക്കു നേതൃത്വം നൽകും.
സിവിൽ സർവീസ് കോച്ചിംഗ് ഉദ്ഘാടനം ഇന്ന്
09:59 PM Nov 05, 2018 | Deepika.com