ഭാഷയും ഭാഷാധ്യാപകരും നാടിന്റെ സന്പത്ത്: ഡോ. സിറിയക് തോമസ്
09:57 PM Nov 05, 2018 | Deepika.com
മരങ്ങാട്ടുപിള്ളി: മാതൃഭാഷയും ഭാഷാധ്യാപകരും നാടിന്റെ സന്പത്താണെന്നും ഒരു സമൂഹത്തെ നിയന്ത്രിക്കുവാൻ ഭാഷാധ്യാപകർക്കാണു സാധിക്കുകയെന്നും എംജി സർവകലാശാല മുൻ വൈസ് ചാൻസലർ ഡോ. സിറിയക് തോമസ് പറഞ്ഞു. അധ്യാപകർ തന്നെയാണ് വിദ്യാർഥികൾക്കു മുന്പിലെ ഏറ്റവും നല്ല പാഠപുസ്തകമെന്നും അദ്ദേഹം അഭിപ്രായപ്പെട്ടു. മലയാളഭാഷാ വാരാചരണത്തോടനുബന്ധിച്ച് മരങ്ങാട്ടുപിള്ളി ഗ്രാമപഞ്ചായത്തിന്റെയും സെന്റ് തോമസ് ഹൈസ്കൂളിന്റെയും നേതൃത്വത്തിൽ നടത്തിയ മലയാള അധ്യാപകസംഗമം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. പഞ്ചായത്ത് പ്രസിഡന്റ് ആൻസമ്മ സാബു അധ്യക്ഷത വഹിച്ചു. മാനേജർ ഫാ. ജോർജ് വഞ്ചിപ്പുരയ്ക്കൽ, ബ്ലോക്ക് പഞ്ചായത്തംഗം നിർമല ദിവാകരൻ, കെ.കെ. അലക്സ്, മാർട്ടിൻ പന്നിക്കോട്ട്, ഹെഡ്മിസ്ട്രസ് ആനിയമ്മ മാത്യു, പിടിഎ പ്രസിഡന്റ് ഷാജി കൊല്ലിത്തടം, സന്തോഷ് കുമാർ കുറിച്ചിത്താനം, സിസ്റ്റർ സാലി ജേക്കബ്, ഷിനു പി. തോമസ്, ടി.വി. ജോബി, തോമസ് മാത്യു എന്നിവർ പ്രസംഗിച്ചു.