പാലാ: കെഎസ്ആര്ടിസിയുടെ മികച്ച ഡിപ്പോകളിലൊന്നായ പാലാ ഡിപ്പോയിൽ ടയർ, സ്പെയര്പാര്ട്സ് ക്ഷാമം മൂലം നിരവധി സര്വീസുകള് റദ്ദാക്കി. 91 സര്വീസുകള് ഉണ്ടായിരുന്ന പാലാ ഡിപ്പോയില് ഇന്നലെ മാത്രം മുടങ്ങിയത് 27 സര്വീസുകളാണ്.
മികച്ച കളക്ഷന് ലഭിച്ചിരുന്ന സര്വീസുകളാണ് മുടങ്ങിയത്. ഇതില് മുഖ്യമായത് അടുത്തകാലത്തു തുടങ്ങിയ പാലാ-മുണ്ടക്കയം ലിമിറ്റഡ് സ്റ്റോപ്പ് ഓര്ഡിനറി സര്വീസായിരുന്നു. പാലാ ഡിപ്പോയില് നിന്നും അഞ്ച് സര്വീസ് ഉണ്ടായിരുന്ന ഈ റൂട്ടിലെ ബസുകളില് ഒന്ന് മാത്രമാണ് ഇന്നലെ സർവീസ് നടത്തിയത്. കൂടുതല് യാത്രക്കാര് ഉള്ള പാലാ-വൈക്കം, പാലാ-അയര്ക്കുന്നം- കോട്ടയം സര്വീസുകളാണ് മുടങ്ങിയവയില് ഏറെയും. മുന്പും ഡീസൽ, ടയര് ക്ഷാമം മൂലം പല ദിവസങ്ങളിലും ഇതേ രീതിയില് സര്വീസുകള് റദ്ദുചെയ്തിരുന്നു.
മികച്ച കളക്ഷന് ലഭിച്ചിരുന്ന സര്വീസുകള് റദ്ദാക്കിയത് സ്വകാര്യ ബസ് ലോബിയെ സഹായിക്കാനാണെന്ന് ആക്ഷേപമുണ്ട്.
ടയർ, സ്പെയര്പാര്ട്സ് ക്ഷാമം: പാലായിൽ കെഎസ്ആർടിസി സര്വീസുകള് മുടങ്ങി
09:57 PM Nov 05, 2018 | Deepika.com