ഗ്രാമീണ് ഇ സേവാ കേന്ദ്രം
09:57 PM Nov 05, 2018 | Deepika.com
മുരിക്കുംവയല്: വിവര സാങ്കേതികവിദ്യയിലൂടെ പട്ടികവര്ഗ ഗ്രാമങ്ങളുടെ സമഗ്ര വികസനം എന്ന ദൗത്യവുമായി ശ്രീ ശബരീശ കോളജും ഐക്യ മലഅരയ മഹാസഭയും ആരംഭിക്കുന്ന ഗ്രാമീണ് ഇ സേവാ കേന്ദ്രം ഇന്ന് രാവിലെ 10ന് മുരിക്കുംവയല് ജംഗ്ഷനില് സഭാ ജനറല് സെക്രട്ടറി പി.കെ. സജീവ് ഉദ്ഘാടനം ചെയ്യും. സംസ്ഥാന പ്രസിഡന്റ് സി.ആര്. ദിലീപ്കുമാര് അധ്യക്ഷത വഹിക്കും. പഞ്ചായത്ത് പ്രസിഡന്റ് കെ.സി. രാജു ഓണ്ലൈന് സേവനങ്ങളും ജില്ലാ പഞ്ചായത്തംഗം കെ. രാജേഷ് സ്വിച്ച് ഓണ് കര്മ്മവും നിര്വഹിക്കും. ശ്രീ ശബരീശ കോളജ് പ്രിന്സിപ്പൽ പ്രഫ. എം.എസ്. വിശ്വംഭരന്, വാര്ഡ് മെംബര് ബി. ജയചന്ദ്രന് തുടങ്ങിയവര് പ്രസംഗിക്കും. ഓണ്ലൈന് സേവനങ്ങളും പഠന സാമഗ്രികളും മിതമായ നിരക്കില് ഇ സേവാ കേന്ദ്രത്തില് നിന്നു ലഭ്യമാക്കുന്നതിനൊപ്പം ട്രൈബല് ഉത്പന്നങ്ങള് പ്രത്യക്ഷ വിപണനത്തിനുള്ള സംവിധാനവും കേന്ദ്രത്തില് ഒരുക്കിയിട്ടുണ്ടെന്നും 500 ഇ സേവാ കേന്ദ്രങ്ങള് പട്ടിക വര്ഗ ഗ്രാമങ്ങളില് ആരംഭിക്കുമെന്നും സംഘാടകര് അറിയിച്ചു.