കാഞ്ഞിരപ്പള്ളി: വളരുന്ന തലമുറയില് സാമൂഹ്യ പ്രതിബദ്ധത, ഐക്യം, സാഹോദര്യം മുതലായ ഗുണങ്ങള് ഊട്ടിവളര്ത്തിക്കൊണ്ട് കത്തോലിക്ക കോണ്ഗ്രസ് സഭയുടെ ശബ്ദമായി നിലകൊള്ളണമെന്ന് കാഞ്ഞിരപ്പള്ളി രൂപത വികാരി ജനറാള് ഫാ. ജസ്റ്റിന് പഴേപറമ്പില്. കത്തോലിക്ക കോണ്ഗ്രസ് കാഞ്ഞിരപ്പള്ളി ഫൊറോന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കുടുംബങ്ങള് കെട്ടുറപ്പോടെ നിലനില്ക്കുന്നതിന്റെ കാരണം സമുദായ സ്നേഹികളായ പൂര്വികര് കാട്ടിത്തന്ന പാരമ്പര്യമാണ്. അവര് പകര്ന്നുനല്കിയ നന്മ സഭയിലും സമൂഹത്തിലും മാറ്റങ്ങള് ഉണ്ടാക്കുന്നതിന് പര്യാപ്തമാണ്. ഇതു നിലനിർത്തിക്കൊണ്ടുപോകുവാനുള്ള ദൗത്യം കത്തോലിക്ക കോണ്ഗ്രസിനുണ്ട്. കത്തോലിക്ക കോണ്ഗ്രസ് ശക്തിപ്പെടേണ്ടത് കാലഘട്ടത്തിന്റെ ആവശ്യമാണെന്നും അദ്ദേഹം കൂട്ടിച്ചേര്ത്തു.
ഫൊറോന പ്രസിഡന്റ് ജോസ് മടുക്കക്കുഴിയുടെ അധ്യക്ഷതയില് റവ. ഡോ. മാത്യു പാലക്കുടി ആമുഖപ്രഭാഷണം നടത്തി. ഡിഎഫ്സി സംസ്ഥാന ജോയിന്റ് ഡയറക്ടർ ഫാ. ജിനോ പുന്നമറ്റത്തില് മാധ്യമസെമിനാർ നയിച്ചു. ആനക്കല്ല് സെന്റ് ആന്റണീസ് പള്ളിവികാരി ഫാ. ഡൊമിനിക് കാഞ്ഞിരത്തിനാല്, രൂപത പ്രസിഡന്റ് ജോമി കൊച്ചുപറമ്പില്, ഗ്ലോബൽ വൈസ്പ്രസിഡന്റ് സെലിന് സിജോ മുണ്ടമറ്റം, പ്രഫ. റോണി കെ. ബേബി, മിനി സണ്ണി മണ്ണംപ്ലാക്കല്, കെ.കെ. മൈക്കിള് കിഴക്കേല്, ജോബി തെക്കുംചേരിക്കുന്നേല്, റോയി ഞാലിയില്, സെബാസ്റ്റ്യന് വട്ടക്കുന്നേല്, സിജോ മൊളോപ്പറമ്പില്, ജോളി ഡോമിനിക്, ത്രേസ്യാസമ്മ തറപ്പേല്, ക്രിസ്റ്റി ബോബി, മാത്യു നെച്ചുമണ്ണില്, സാറാ അലക്സ് എന്നിവര് പ്രസംഗിച്ചു. ടോമിച്ചന് പാലമുറി സ്വാഗതവും ആന്സമ്മ തോമസ് നന്ദിയും പറഞ്ഞു. വിവിധ യൂണിറ്റുകളില്നിന്നായി 150ലേറെ പ്രതിനിധികള് പങ്കെടുത്തു.
‘കത്തോലിക്കാ കോണ്ഗ്രസ് സഭയുടെ ശബ്ദമായി നിലകൊള്ളണം’
09:54 PM Nov 05, 2018 | Deepika.com