ചങ്ങനാശേരി: എസ്.എച്ച് ഹയർസെക്കൻഡറി സ്കൂളിൽ നടന്നു വരുന്ന ടൂർണമെന്റിന്റെ മൂന്നാം ദിവസമായ ഇന്നലെ ഫാ.ഒ.ജെ. ജയിംസ് മെമ്മോറിയൽ ഷട്ടിൽ ബാഡ്മിന്റണിന്റെയും കാർഡിനൽ മാർ ആന്റണി പടിയറ മെമ്മോറിയൽ ഹാൻഡ് ബോൾ ടൂർണമെന്റിന്റെയും ഫൈനൽ മത്സരങ്ങൾ നടന്നു.
ഹാൻഡ്ബോൾ ടൂർണമെന്റിൽ എസ്എൻവി ഹയർ സെക്കൻഡറി സ്കൂൾ റണ്ണേഴ്സ് അപ് നേടി. എസ്എൻവി എച്ച്എസ്എസിലെ വിവേക് പി.എസ്. ബെസ്റ്റ് പ്ലേയർ ആയി തിരഞ്ഞെടുക്കപ്പെട്ടു. എസ്എച്ച് സ്കൂളിലെ ഡെൻസണ് സിബിയെ ബെസ്റ്റ് പ്രോമിസിംഗ് പ്ലേയർ ആയി തിരഞ്ഞെടുത്തു.
ആണ്കുട്ടികളുടെ ബാഡ്മിന്റണ് ടൂർണമെന്റിൽ ഗവണ്മെന്റ് എച്ച്എസ്എസ് ചങ്ങനാശേരി വിജയികളായി. ചങ്ങനാശേരി സേക്രഡ് ഹാർട്ട് എച്ച്എസ്എസ് റണ്ണർ അപ് നേടി. പെണ്കുട്ടികളുടെ ഷട്ടിൽ ബാറ്റ്മിന്റണ് ടൂർണമെന്റിൽ എക്സൻഷിയർ കോട്ടയം വിജയികളായി. സേക്രഡ് ഹാർട്ട് എച്ച്എസ്എസ് ചങ്ങനാശേരി റണ്ണർ അപ്പായി.
ബെസ്റ്റ് പ്ലേയേഴ്സായി ഗവണ്മെന്റ് എച്ച്എസ്എസ് സ്കൂളിലെ മുബീൻ റഹ്മാനും, പെണ്കുട്ടികളുടെ വിഭാഗത്തിൽ എസ്എച്ച് സ്കൂളിലെ ഹന്നാ റ്റോമും തിരഞ്ഞെടുക്കപ്പെട്ടു.
സ്കൂൾ സ്റ്റേഡിയത്തിൽ നടന്ന സമ്മേളനത്തിൽ ചങ്ങനാശേരി എസ്ബി ഹയർ സെക്കൻഡറി സ്കൂൾ മാനേജർ ഫാ.മാത്യു നടമുഖത്ത് വിജയികളെ അനുമോദിച്ചു. സമ്മാനങ്ങളും വിതരണം ചെയ്തു. സ്കൂൾ പ്രിൻസിപ്പൽ പി.എ. കുര്യച്ചൻ സ്വാഗതവും സ്കൂൾ പിടിഎ പ്രസിഡന്റ് ടോണി പുളിക്കൻ നന്ദിയും രേഖപ്പെടുത്തി.
എസ്എച്ച് ഷട്ടിൽ- ഹാൻഡ് ബോൾ ടൂർണമെന്റ് സമാപിച്ചു
01:56 AM Nov 05, 2018 | Deepika.com