എസ്എസ്എൽസി പരീക്ഷ ടൈം ടേബിൾ അശാസ്ത്രീയം: പിജിടിഎ
10:12 PM Nov 04, 2018 | Deepika.com
തൊടുപുഴ: എസ്എസ്എൽസി പരീക്ഷ സമയവിവര പട്ടിക അശാസ്ത്രീയമാണെന്നു പ്രൈവറ്റ് സ്കൂൾ ഗ്രാജുവേറ്റ് ടീച്ചേഴ്സ് അസോസിയേഷൻ സ്റ്റേറ്റ് കൗണ്സിൽ ആരോപിച്ചു. മുൻ വർഷങ്ങളിൽ വിദ്യാർഥികൾക്ക് കൂടുതൽ ബുദ്ധിമുട്ടുള്ള ഗണിത ശാസ്ത്രം, സമൂഹ്യശാസ്ത്രം, ഇംഗ്ലീഷ് എന്നിവ ഒരു ദിവസത്തെ ഇടവേളയിലാണ് പരീക്ഷ നടത്തിയിരുന്നത്. എന്നാൽ ഈ വർഷം പരീക്ഷകൾ അടുത്തടുത്ത ദിവസങ്ങളിലാണ് നടത്തുന്നത്. ടൈംടേബിളിലെ അപാകതകൾ പരിഹരിക്കണമെന്നു അസോസിയേഷൻ ആവശ്യപ്പെട്ടു. സംസ്ഥാന പ്രസിഡന്റ് സിബി ആന്റണി തെക്കേടത്ത് അധ്യക്ഷത വഹിച്ചു. ജനറൽ സെക്രട്ടറി സുധീർ ചന്ദ്രൻ, കെ.ജി. തോമസ്, സൽമോൻ സി. കുര്യൻ, കെ.ഷബീർ, എം. രശ്മി, ലിസി സക്കറിയാസ് എന്നിവർ പ്രസംഗിച്ചു.