സംസ്ഥാന വനിത വടംവലി: കാസർഗോഡും ഇടുക്കിയും ജേതാക്കൾ
10:10 PM Nov 04, 2018 | Deepika.com
തൊടുപുഴ: അൽ അസ്ഹർ കോളജിൽ രണ്ടുദിവസമായി നടന്നുവന്ന 13-ാമത് സംസ്ഥാന വനിത വടംവലി ചാന്പ്യൻഷിപ്പ് സമാപിച്ചു. വിവിധ വിഭാഗങ്ങളിൽ ഇടുക്കി, കാസർഗോഡ്, ആലപ്പുഴ ജില്ലകൾ കിരീടം നേടി. അണ്ടർ 13- 340 കിലോ വിഭാഗത്തിലും അണ്ടർ 17- 400 കിലോ വിഭാഗത്തിലും കാസർഗോഡ് ജേതാക്കളായി. ഇരുവിഭാഗങ്ങളിലും കണ്ണൂർ രണ്ടാംസ്ഥാനവും എറണാകുളം മൂന്നാംസ്ഥാനവും നേടി. അണ്ടർ 15- 350 കിലോ വിഭാഗത്തിൽ ഇടുക്കി ജേതാക്കളായി. രണ്ടാംസ്ഥാനം കാസർഗോഡും മൂന്നാംസ്ഥാനം കോഴിക്കോടും നേടി. അണ്ടർ 17-420 കിലോ വിഭാഗത്തിൽ ആലപ്പുഴ ഒന്നാം സ്ഥാനവും ഇടുക്കി രണ്ടാംസ്ഥാനവും എറണാകുളം മൂന്നാംസ്ഥാനവും കരസ്ഥമാക്കി.